बुधबार, माघ १५ २०७६ | Wed, January 29, 2020
नेपालको समय: १०:३२ | UK Time: 04:47

बेलायतको ब्यारेष्टर बन्ने अन्तिम तयारीमा स्नेहा

विनेपाली
२०७६ मंसिर १९ गते १५:०१

लन्डन–स्नेहा शाक्य श्रेष्ठ बेलायतमा दोस्रो पुस्ताकी पहिलो  ब्यारेष्टर बन्न भर्खरै बेलायतको इनर टेम्पल बारको सदस्य भएकी छिन् ।

उनी यसै बर्ष ‘सिटी ल कलेज’ बाट बार प्रोफेसनल ट्रेनिङ कोर्स (बिपीटिसी) मा उच्च अंक (८०. ४ %) प्राप्त गरि ब्यारेष्टर बन्न अन्तिम तयारी पुपीलेज गर्न योग्य भएकी छिन् । अब केहि समय अन्य कानुनी फर्ममा कामको अनुभब प्राप्त गरि सकेपछि उनी आफैं प्राक्टिसिङ ब्यारेष्टर बन्नेछिन् । यस अगाडि प्रोफेसर डा. सूर्य सुवेदी (क्युसी) तथा देबेन्द्र श्रेष्ठ बेलायतमा ब्यारेष्टरको रुपमा कार्यरत छन् ।

स्नेहा चौतारा सिन्धुपाल्चोक स्थायी घर भएका पिता अधिवक्ता सुरेन्द्र नेपाल श्रेष्ठ र बाग्लुङ मूलथलो भएकी आमा मिनु शाक्यसँगै करिव दुई दशक पहिले बेलायत आएकी थिइन् । उनले कक्षा २ सम्मको शिक्षा नेपालमै हासिल गरेर बाँकी अध्ययन बेलायतमा गरेकी थिइन् ।

स्नेहाले बिद्यालय शिक्षा वोर्डिङ र स्लाओ ग्रामर तथा उच्च शिक्षा युनिभर्सिटी अफ एसेक्सबाट एलएलबी, किंग्स कलेजबाट एलएलएम उतिर्ण गरेकी थिइन् ।

उनले लण्डनस्थित प्रशिद्ध किंग्स कलेजको एलएलएमको शोधका निम्ति नेपालमा निकै चर्चा पाएको कर्णेल कुमार लामाको बिषयमा अनुसन्धान गर्न लामो समय नेपालका बिभिन्न स्थानमा गएर सरोकारवाला र बिज्ञहरुसँग कुराकानी गरेकी थिइन् ।

बेलायतमा कानुनी पेशालाई सम्मानित पेशाका रुपमा लिइन्छ । सो कक्षा तयारीका लागि चाहिने लगन र मेहनेतका कारण पनि कानुनी पेशाको कदर अन्य मुलुकहरुका तुलनामा बेलायतमा धेरै गर्व गर्ने बिषयका रुपमा लिइन्छ । संसारको न्याय इतिहासको उद्गमस्थल भएको स्थान म्याग्नाकार्टाको सेरोफेरोमा रहेर बिद्यार्थी जीवन बिताउन पाउन र माता पिताको प्रेरणाका कारण पनि स्नेहालाई कानूनीक्षेत्रमा आउने अवसर प्रदान गरेको थियो ।

सानै उमेर देखि नै संगीतमा रुची भएकी स्नेहाले डरिग्टन हाइस्कुल एक्स फ्याक्टरमा पहिलो स्थान, सन् २००८ मा लण्डनमा आयोजना भएको ‘भ्वाइस अफ द इयर नेपाल’ मा पहिलो, युकेको एक्स फ्याक्टर लगायत दर्जनौ नेपाली, अंग्रेजी तथा भारतीय सांस्कृतिक कार्यक्रमहरुमा आफ्नो प्रतिभा देखाउदै आएकी छिन् । उनले संगीतकार अनिल शाही र न्हू बज्राचार्यसंग चारवटा गीत रेकर्ड गराएकी छिन् ।

भविष्यमा पनि पेशाका साथसाथै रुचिको रुपमा गायनलाई अगाडी बढाउने उनले बताइन् ।

प्रतिक्रिया

सम्बन्धित सामाग्री

फेसबुक