मिस नेपाल अनुष्कालाई ग्लोबल आइएमइ 
बैंकको शुभकामना

लन्डन । ग्लोबल आइएमइ बैंक लिमिटेडका 
निर्देशकद्वय सुदर्शन कृष्ण श्रेष्ठ र नुमनाथ पौडेलले ‘मिस नेपाल २०१९’ अनुष्का श्रेष्ठलाई भेटेर शुभकामना दिएका छन् । मंगलबार अनुष्का बसिरहेको सेन्ट्रल लन्डनको 
टावरब्रीजस्थित टावर होटल पुगेर दुई बैंकरले शुभकामना दिएका हुन् ।

हाम्रा सहकर्मी शंकर श्रेष्ठका अनुसार श्रेष्ठ र पौडेलले मिस नेपाल अनुष्कालाई प्रतियोगितामा जिताउन कुनै कसर बांकी नराख्ने प्रतिवद्धता जनाएका छन् । उनीहरुले अनुष्कालाई हिमाल अंकित मायाको चिनो समेत प्रदान गरे । अनुष्काले ‘टोकन अफ लभ’ र शुभकामना प्राप्त गरेपछि प्रसन्न हुंदै धन्यवाद दिइन् । उनले मल्टीमिडिया क्याटेगोरिजमा उपाधि जित्न अनलाइन मत अत्यावश्यक भएको जनाउंदै मतका लागि सहयोग गरिदिन बैंक निर्देशकहरुसमक्ष अनुरोध गरेकी थिइन् । अनलाइन मत सोचेजस्तो नभएकोमा अनुष्का चिन्तित देखिएकी थिइन् ।

सो अवसरमा ग्लोबल आइएमइ बैंकका बेलायत प्रतिनिधि अमित चालिसे पनि सहभागी थिए ।

अनुष्का डिसेम्बर १४ तारिख लण्डनमा हुने ‘६९ औं मिस वर्ल्ड प्रतियोगिता’ मा भाग लिन गत साता लण्डन आएकी छन् । उनी अहिले बन्द प्रशिक्षणमा व्यस्त छन् । यसअघि एनआरएनए यूके अध्यक्ष पुनम गुरुङसहितको एक टोलीले समेत होटलमा गएर शुभकामना दिएको थियो ।

अनुष्कालाई मल्टिमिडिया अवार्डमा जिताउन धेरै लाइक जरुरी छ, जसका लागि ‘Mobstar’ एप्स डाउनलोड गर्नुपर्नेछ । एप्स डाउनलोड गरिसकेपछि अनुष्का श्रेष्ठ सर्च गरि लाइक गर्न अनुष्काले अपिल गरेकी छन् । एक लाइक एक भोटको रुपमा गणना हुनेछ ।

तस्विर- शंकर श्रेष्ठ