डार्टफोर्डमा नेपाली कक्षा संचालनका लागि देउसी भैलो

केन्ट । डार्टफोर्ड नेपाली समाज यूकेले बालबालिकालाई नेपाली भाषा सिकाउन कक्षा संचालनका लागि देउसी भैलो कार्यक्रम गरेको छ ।

डार्टफोर्ड नेपाली समाजको अगुवाईमा सुरु गरिएको देउसी भैलो कार्यक्रममा उठेको रकम नेपाली कक्षाका संचालानार्थ खर्च गरिने भएको हो । समाजका सदस्यले डार्टफोर्डस्थित नेपाली समुदायका घरघरमा पुगि देउसी खेलेका थिए ।

स्वतस्फूर्त रुपमा जम्मा भएको रकम नयाँ पुस्तालाई नेपाली भाषा, संस्कृति र नेपालका बारेमा जानकारी गराउन समाजले नेपाली भाषा कक्षा संचालन गरिरहेको छ । हरेक शुक्रबार पाँच बजे नेपाली भाषा कक्षा संचालन भएको हो ।