लन्डन । गैरआवासीय नेपाली संघ (एनआरएनए) यूके निर्वाचन नजिकिंदै जाँदा अन्तरराष्ट्रिय समन्वय परिषद् सदस्यमा सक्षम व्यक्ति छान्दा रमेश बास्तोला पर्ने देखिन्छन् । आगामी १४ सेप्टेम्बरमा हुन लागेको एनआरएनए यूके निर्वाचनका लागि अन्तरराष्ट्रिय समन्वय परिषद् (आइसीसी) सदस्य पदमा उम्मेदवारी दिने मध्ये बास्तोला अब्वल भएकाले उनले जित्ने संभावना बढेको धेरैको आकलन छ ।
सन् २००५ देखि नै निरन्तर एनआरएनएमा काम गरिरहेका बास्तोला आफुलाई अन्य प्रतिस्पर्धी भन्दा सक्षम ठान्छन् । ‘कस्ता व्यक्ति छान्दा राम्रो होला भन्ने मतदातावीच कौतुहलता हुनुपर्ने कुरा छैनन्, सक्षम र सामाजिक कार्यमा निरन्तर लागेकालाई छान्नुहोस्’- बास्तोलाले भने ।
बास्तोलाले रसमोर नेप्लिज कम्यूनिटी, प्रवासी नेपाली मंच यूके, ग्रेटर रेडिङ नेपाली कम्यूनिटी, सहारा यूके, पोखरेली मंच यूके, यति एसोसिएसन यूकेलगायत संस्थामा योगदान गरिसकेका छन् । त्रिभुवन विश्वविद्यालयबाट समाजशास्त्रमा स्नातकोत्तर गरेका बास्तोलाले अहिले चुनाव प्रचार अभियानलाई निरन्तरता दिइरहेका छन्।
