एनआरएन युकेको निर्वाचनमा १२ बुथ

लण्डन ।  गैरआवासीय नेपाली संघ युकेको नवौँ अधिवेशनबाट नयाँ नेतृत्व चयन गर्न सेप्टेम्बर १४ मा हुने निर्वाचनमा १२ स्थानमा मतदान केन्द्र रहने भएका छन् । निर्वाचन समितिको शुक्रबार भएको ‘कन्फेरेन्स कल’ बैठकले ति स्थान तय गरेको हो । 

निर्वाचन समितिका प्रवक्ता शिवजी श्रेष्ठका अनुसार अल्डरसट, बेजिङस्टोक, रेडिङ, स्वीण्डन, ह्यारो, प्लमस्टिड, आसफोर्ड, लेस्टर, बर्मिङघम, एडिनबरा, कार्डिफ र बेलफास्टमा बुथ राख्ने निर्णय भएको छ । भौगोलिक दुरी र जनशक्तिलाई मध्यनजर गरी मतदान केन्द्र निर्धारण गरिएको हो । बुथ निर्धारणले पनि निर्वाचन परिणाममा विशेष अर्थ राख्छ ।   

स्कटल्याण्डमा यसअघि हल्ला भएको जस्तो भिन्न मिति नभइ एकै दिन १४ सेप्टेम्बरमै निर्वाचन हुने भएको छ ।