एनआरएनए यूकेका वौद्धिक उम्मेदवार

लन्डन । एनआरएन यूकेको आसन्न निर्वाचनमा ७४ पदका लागि ११५ उम्मेदवार प्रतिष्पर्धामा छन् । सामाजिक, आर्थिक र वैयक्तिक क्षमताका हिसाबले ति प्रत्यासीका आ-आफ्नै विशेषता छन् ।

ति मध्ये सचिव पदका उम्मेदवार जित रानाभाट उच्च शैक्षिक योग्यताले परिपूर्ण ‘बौद्धिक व्यक्तित्व’ मानिन्छन् । अंग्रेजी साहित्यमा स्नातकोत्तर र ‘एमफील’ पूरा गरेका रानाभाट ‘हाइली स्किल्ड माइग्रेण्ट स्किम’ मा दशकअघि बेलायत आएका हुन् । बेलायतस्थित थुप्रै सामाजिक संघसंस्थामा महत्वपूर्ण जिम्मेवारीमा रहेर काम गरिरहंदा उनी व्यवसायमा पनि सफल भए ।

नेपाली हाइली स्किल्ड प्रोफेसनल सोसाइटी यूकेको कोषाध्यक्ष, पशुपतिनाथ मन्दिर लन्डन र क्षेत्री समाज यूकेमा कार्यसमिति सदस्यका भएर उनले आफ्नो खुबी देखाइसकेका छन् । उनी एनआरएन यूकेको वर्तमान कार्यसमितिमा विद्यार्थी समन्वय विभागको संयोजक छन् ।

उनी अहिले यूरोपकै पुरानो नेपाली सँस्था ‘यती’ को सामाजिक सचिव र रोयल बरो अफ ग्रीनवीच नेपलिज सोसाइटी (आरजिएनस) उपाध्यक्ष तथा पूर्व महासचिब हुन् ।

‘एनआरएनएप्रति समुदायले जसरी चासो र सरोकार राखेको छ, त्यो सांच्चिकै उत्साहजनक पाएको छु’- रानाभाट भन्छन्, ‘यसकारण सबैको भावना सम्बोधन हुने गरी संस्थालाई अघि बढाउंदै जान र यो ‘प्लेटफर्म’ समुदायको हितमा सदुपयोग गर्न हामीलाई थप उर्जा प्राप्त भएको छ ।’

एनआरएन यूकेको सचिवका रुपमा संस्थामा थप सदस्यहरु आकर्षित गर्ने, विदेशमा बस्ने नेपालीको ज्ञान, सीप, अनुभवलाई नेपालको हितमा सदुपयोग गराउने लगायत कार्यमा संयोजनकारी भूमिका खेल्ने उनको लक्ष्य छ । ‘मतदाताहरु म प्रति सकारात्मक हुंदा झन् उत्साहित छु’- चुनावी अभियानमा व्यस्त रानाभाटले सुनाए ।

एनआरएनए संस्था मातृभूमिप्रति बढि उत्तरदायी हुन सके यसको मुल मर्मप्रति न्याय हुने रानाभाटको ठम्याइ छ । ‘हामीलाई कर्मथलो बेलायतमा सामाजिक अन्तरघुलनको खांचो छ । यहां आपसी एकता, नयां अनुभव ग्रहण र नेपाली पहिचान स्थापित गराउनुछ’, उनले भने, ‘म यी क्षेत्रमा अझ बढि अग्रसर र मातृभूमिप्रति थप सक्रिय हुन नेतृत्वमा जान इच्छुक छु ।’

प्रतिक्रिया

सम्बन्धित सामाग्री