एनबीसीको समर्थन उपाध्यक्ष प्रत्यासी कमल पौडेललाई

लन्डन । नेपलिज ब्रिटिश कम्युनिटी (एनबीसी) यूकेले संस्थाका 
संस्थापक अध्यक्ष तथा वर्तमान सल्लाहकार कमल 
पौडेलको चुनावी अभियानमा समर्थन गर्ने निर्णय गरेको छ । उक्त संस्थाले एनआरएनए यूके उपाध्यक्षका प्रत्यासी पौडेलको चाहनालाई सर्वसम्मतिले समर्थन गर्दै अभियान शुरु गर्ने निर्णय गरेको हो ।

गत २३ जुलाई मंगलबार नर्थ हयारोको ब्ल्युमुन 
रेष्टुरेन्टमा बसेको कार्यसमिति तथा सल्लाहकारहरुको 
बैठकले ‘कमल पौडेललाई जिताऔं’ भन्ने अभियान सहित आवश्यक तयारी, सदस्यता विस्तार, सम्पर्क तथा भेटघाट र चुनाव प्रचार व्यापक बनाउन कार्यसमितिका सबै सल्लाहकार तथा सदस्यहरू प्रचार समितिमा रहने गरि राजेन्द्र ओझा संयोजक र वसन्त नेपाल सहसंयोजक भएको १०१ सदस्यीय प्रचार प्रसार समिति गठन गरेको छ ।

संस्थाले पौडेललाई विजयी गराउन सम्पूर्ण सदस्यहरु, समर्थक, शुभचिन्तक र वेलायतवासी नेपाली दाजुभाई, दिदी बहिनीहरुलाई अपिल समेत गरेको छ ।