बिहीबार, माघ ६ २०७८ | Thu, January 20, 2022
नेपालको समय: २२:२४ | UK Time: 16:39

बजगाईंले वर्डसवर्थ निवासबाट सार्वजनिक गरे आफ्नो ११ औं कृति

वीनेपाली
२०७६ साउन ९ गते २१:२०

लन्डन । अंग्रेजी साहित्यका स्वच्छन्दतावादी कवि विलियम वर्डसवर्थको निवास ग्रासमेर, बेलायतमा कृष्ण बजगाईंको नियात्रा सङ्ग्रह ‘दाइबुचु’ सार्वजनिक गरिएको छ । बेलायत निवासी साहित्यकार बजगाईंले उक्त नियात्रासङ्ग्रह आफैंले सार्वजनिक गरेका हुन् ।

शिखा बुक्स काठमाण्डौंले प्रकाशन गरेको जापान यात्राका अनुभूति समाविष्ट ‘दाइबुचु’ बजगाईंको तेस्रो नियात्रासङ्ग्रह हो । सङ्ग्रहमा जापानका कला, साहित्य, संस्कृति, धर्म, इतिहास आदिलाई नियात्रामा समेटिएको छ । यस भन्दा अघि उनको ‘युरेशियाको स्पर्श’ र ‘भाया साक्रा’ नियात्रासङ्ग्रह प्रकाशित भइसकेका छन् । ‘दाइबुचु’ बजगाईंको एघारौं साहित्यिक कृति हो ।

डायोस्पोरामा लामो समयदेखि बसोवास गरिरहेका बजगाई साहित्य सिर्जना र साहित्यिक संघसंस्थामा उतिकै सक्रिय छन् । समकालिन साहित्य प्रतिष्ठान बेलायतका संस्थापक अध्यक्ष रहेका बजगाई विगत तेह्र वर्षदेखि समकालीन साहित्य डट कम नामक वेब पत्रिकाको सम्पादन तथा प्रकाशन गर्दै आएका छन् । उनी बेलायतबाट प्रकाशित हुने नेपाली भाषाको अन्तर्राष्ट्रिय साहित्यिक जर्नल ‘प्रवासन’का प्रधान सम्पादक पनि हुन् ।

प्रतिक्रिया

सम्बन्धित सामाग्री

फेसबुक