बेलायतका नेपाली नर्सद्वारा नेपालमा प्रहरी हस्तक्षेपको भत्र्सना


लन्डन । नेप्लिज नर्सिङ असोसिएसन युकेले नेपालमा आन्दोलनरत नर्सहरुमाथि भएको प्रहरी हस्तक्षेपको कडा शब्दमा भत्र्सना गरेको छ । संघले बिहीबार एक विज्ञप्ति प्रकाशित गर्दै आफ्ना नर्स सहकर्मीहरुले पेशागत हक हितको सुरक्षा, पारदर्शी छनौट प्रक्रिया र पेशागत संगठनको कार्यदक्षताको सवाल उठाउंदै गरेको आन्दोलनका क्रममा भएको प्रहरी हस्तक्षेप र दमनप्रति संस्थाको गम्भीर ध्यानाकर्षण भएको जनाएको हो ।

‘विशेषगरी आन्दोलनरत नर्सहरुविरुद्ध नेपाल नर्सिङ संघको हाताभित्रै भएको प्रहरी हस्तक्षेपको हाम्रो संस्था घोर भत्र्सना गर्दछ’- अध्यक्ष विनोद बिकास सिम्खडाले जारी गरेको विज्ञप्तिमा उल्लेख छ ।

सरकारी आंकडा अनुसार ५० हजार भन्दा धेरै नर्स बेरोजगार भएको अवस्थामा श्रम शोषण र अत्याचारको खवर भविष्यमा अझै बढि देखिने संघले जनाएको छ । ‘यो स्थिति सम्हाल्न नीति निर्माण तहबाटै कदम चाल्नु 
पर्ने अवस्था आइसकेको छ’, विज्ञप्तिमा छ- ‘हाल विवादमा आएको विभिन्न अस्पतालको कर्मचारी छनौट प्रक्रिया तत्काल सुल्झाउन सबै सरोकारवालासंग हाम्रो संस्था हार्दिक आव्हान गर्दछ । यो सबै बेथिति विरुद्ध आवाज निकाल्दै आमरण अनशन बसेका नर्सद्वय जिता बराल र डिक्की शेर्पाप्रति र अन्य आन्दोलनरत नर्सप्रति हाम्रो संस्थाको पूर्ण समर्थन छ ।’

नर्सहरुका समस्या सुल्झाउन स्वास्थ मन्त्रालय, श्रम मन्त्रालय र नर्सिङ संघको भूमिका निर्णायक हुने संघको ठहर छ । ‘हाल भइरहेको आन्दोलन सुल्झाउन कुनै पनि खालको समन्वयकारी भूमिका खेल्न हाम्रो संस्था कटिवद्ध रहेको यही ज्ञापनपत्र मार्फत जानकारी गराउंदछौ’- विज्ञप्तिमा जनाइएको छ ।

प्रतिक्रिया

सम्बन्धित सामाग्री