ट्रम्प मेलानिया बेलायत आउंदै

लन्डन । अमेरिकी राष्ट्रपति डोनाल्ड ट्रम्प बेलायतको तीन दिने राजकीय भ्रमणमा आउने भएका छन् । ट्रम्पले फस्ट लेडी मेलानियाका साथ आगामी ३ देखि ५ जुनसम्म बेलायत भ्रमण गर्ने बकिङहम प्यालेसले जनाएको छ ।

ट्रम्प दम्पति बेलायती महारानी एलिजावेथको अतिथीका रुपमा पोर्टसमथमा हुने एउटा समारोहमा सरिक हुनेछन् भने प्रधानमन्त्री टेरेजा मेसंग औपचारिक वार्ता पनि तय भएको छ । ट्रम्पले यसअघि सन् २०१८, जुलाईको भ्रमणमा पनि रानीलाई विन्डसोर क्यासलमा भेट गरेका थिए ।

बीबीसीका अनुसार, हवाइट हाउसले ट्रम्पको आसन्न भ्रमणले दुई देशबीच रहिआएको विशेष सम्वन्ध थप मजवुत हुने विश्वास व्यक्त गरेको छ ।