शर्मिलाको गीतमा एलिसा र एलिसको ‘ठुम्का’ (भिडियो)

काठमाडौं । अहिलेकी चर्चित मोडेल एवं नृत्याङगना एलिसा राई  र चर्चित प्रयांकर एलिस राई अभिनित नयाँ म्यूजिक भिडियो सार्वजनिक भएको छ ।  

गायिका शर्मिला राईको स्वरमा रहेको  ‘ठुम्का’ मा चर्चित युवा गीतकार डिपी खनालको शब्द र शंकर थापा ‘स्माइल’को संगीत छ भने उदयराज पौडेलको संगीत संयोजन रहेको छ । 

‘ठुम्का’ को अभिनयमा एलिसा राई र चर्चित प्रयांकर एलिस राईलाई आकाश राई र आनन्द गुरुङ लगायत कलाकारले साथ दिएका छन् ।

धेरै समयपछि पुन: भिडियो निर्देशनमा फर्किएका गायक विजय रुम्बाले निर्देशन गरेको म्यूजिक भिडियोमा ज्ञानेन्द्र शर्माको सिनेमाटोग्राफी र बिकाश ज्ञवालीको सम्पादन छ । 

गीतको मर्मअनुसारनै भिडियो उतारिएको निर्देशक रुम्बाले जानकारी दिए । भिडियोलाई डश म्यूजिक नेपालको आधिकारिक यूट्युब च्यानलमार्फत सोमबार सार्वजनिक गरिएको छ ।

भिडियो-

https://www.youtube.com/watch?v=rWcReniPv_g&feature=youtu.be