बेलायतस्थित नेपाली सेफहरु नयां नेतृत्व चुन्दै, तयार भयो ‘लिस्ट’


लन्डन । बेलायतस्थित नेपाली सेफहरु यतिखेर नयां नेतृत्व चयन गर्ने चटारोमा छन् । यही सोमबार ८ अप्रिल सांझ नेपलिज सेफ एसोसिएसन यूकेको दोश्रो कार्यकालका लागि नेतृत्व परिवर्तन हुंदैछ । एसोसिएसन अध्यक्ष समाजसेवी कृष्ण तिमल्सेनाका अनुसार सर्वसम्मत नयां कार्यसमिति बनाउन पूर्ण सहमति बनेको छ । दधि आचार्यको नेतृत्वमा लगभग तयार भइसकेको ‘लिष्ट’ सोमबार घोषणा सभामा सार्वजनिक गरिनेछ ।

कार्यक्रममा प्रमुख अतिथी हुनेछन् राजदूत डा. दुर्गाबहादुर सुवेदी । लन्डनबाहेक मिडल्याण्ड, वेल्स, स्कटल्याण्ड समेतबाट सेफहरु कार्यक्रममा सहभागी हुने अपेक्षा गरिएको छ ।

नयां कार्यसमिति गठनका लागि रामशरण सिम्खडा संयोजक रहेको निर्वाचन समिति बनाइएको छ जसमा फडिन्द्र भट्टराई र विजन भट्ट सदस्य छन् । उक्त समितिले अधिवेशनको सम्पूर्ण तयारी भएको जनाएको छ । एसोसिएसनमा करिब ७ सय सदस्य रहेका बताइन्छ ।

एसोसिएसन अध्यक्ष कृष्ण तिमल्सेना

करी व्यवसाय र नेपाली खाना प्रवर्धनमा महत्वपूर्ण योगदान दिएका नेपाली सेफहरु आफ्नो व्यवसाय अलवा समाजसेवा एवं कल्याणकारी काममा समेत अग्रसर छन् । सन् २०१२ मा समाजसेवी एवं एनआरएन अभियन्ता कृष्ण तिमल्सेनाको संयोजकत्वमा तदर्थ समिति बनेपछि तीन वर्षमा पहिलो अधिवेशन भएको थियो ।

एनआरएन केन्द्रसम्म राम्रो पहुंच बनाएका तिमल्सेनाले एसोसिएसनको बागडोर सम्हालेयता यसले आपतविपतमा आर्थिक सहयोग र नयां सेफहरुलाई तालिम तथा यस व्यवसायका व्यवधानसंग जुध्न विभिन्न पहल गरेको छ ।

प्रतिक्रिया

सम्बन्धित सामाग्री