भारतीय सर्कसमा बेचिएका नेपाली चेलीको कथा लन्डनमा

लन्डन । भारतीय सर्कसका लागि बेचिएका दुई नेपाली चेलीको कथा लन्डनमा प्रदर्शन हुने भएको छ । सत्यकथामा आधारित चलचित्र ‘इभन ह्वेन आइ फल’ चलचित्र आज शनिबार 30 मार्च सांझ रिजेन्ट स्ट्रिट सिनेमामा देखाउन लागिएको हो । उक्त चलचित्र हेर्न अग्रिम बुकिंग गरे ४० 
प्रतिशतसम्म डिस्काउन्ट दिइने आयोजकले जनाएका छन् । संकलित रकम इन्टीग्रिटी इन्टरनेशनल ट्रष्टलाई दिइनेछ ।

२७ मार्चदेखि ७ अप्रिलसम्म लन्डनमा जारी ‘यूके एसियन फिल्म फेस्टिबल’ मा पनि उक्त फिल्म समावेश छ ।

प्रेरणादायी उक्त चलचित्र शितल र सरस्वतीको सत्यकथामा आधारित छ । टिनएजरमा काठमाडौंमा भेटिएका ति दुई चेलीलाई गिरोहले भारत पुरयाउंछ । पछि उनीहरु कसरी सीमापारिबाट नेपाल आइपुग्छन् देखि उनीहरुको आफ्नै बाबु आमासंगको विद्रोह र आफ्नो नयां भविष्यका लागि गरिरहेको संघर्ष चलचित्रमा छ । ‘सर्कस काठमाडौं’ मा कार्यरत अन्य ११ सर्कस आर्टिष्टहरुको वेदना र संघर्ष पनि यसमा रहेको फिल्म निर्माण टिमले जनाएको छ ।

स्काइ निल र केट म्याकलर्नोनले निर्देशन गरेको करिब डेढ घण्टाको उक्त नेपाली चलचित्र अंग्रेजी सबटाइटलमा उपलब्ध छ ।

Tickets can be purchased with a 40% discount code: UKAFF2019 via the following link:

http://tonguesonfire.com/even-when-i-fall/