लण्डन । घोताने घोण्डे परिवार युके मातहतको केजीथ्री होल्डिङले नेपालको पहिलो सोलार कम्पनी सोलार फार्म नेपालमा लगानी गर्ने भएको छ । केजीथ्री होल्डिङस्को शनिबार बसेको बैठकले सो फार्ममा लगानी गर्ने निर्णय गरेको केजीथ्री होल्डिङसका संचालक कृष्ण गुरुङले जानकारी दिए ।
घोताने घोण्डे परिवार युकेले पारिवारिक भेटघाट मात्र नगरी युवापुस्तालाई व्यापार र नेतृत्व विकासका लागि उत्प्रेरित गर्न विभिन्न क्षेत्रमा लगानी गर्ने उद्देश्य राखी केजीथ्री होल्डिङस् स्थापना गरिएको गुरुङले बताए ।
प्रारम्भिक चरणमा करिब २ करोड रुपियाँ लगानी गरिने उनले जानकारी दिए । परिवारले यसै वर्षभित्र युकेमै नयाँ कम्पनी स्थापना गर्ने लक्ष्य लिएको छ ।
