शुक्रबार, माघ ७ २०७८ | Fri, January 21, 2022
नेपालको समय: ०२:५४ | UK Time: 21:09

बेलायती विश्वविद्यालयमा नेपाली कला

वीनेपाली
२०७५ चैत १० गते ८:१४

लन्डन । बेलायतको नेपाली डायस्पोरामा बल्ल उदाउंदै छ दोश्रो पुस्ता । यो पुस्ता स्थानीय समुदायसंग बढि घुलमिल छ तर मातृभूमिप्रति बेखबर । नेपाली भन्दा अंग्रेजी लवज र सप्ताहन्त अभिभावकहरुले गर्ने कार्यक्रमको सट्टा पब, थिएटर वा नाइट लाइफतिर आकर्षित छ यो वर्ग ।

अपवादमा यही दोश्रो पुस्तालाई प्रतिनिधित्व गर्ने एउटा जमात भने बेलायतमा पनि आफ्नो कला संस्कृति जगेर्ना र प्रचार प्रसारमा जुटेको छ । बेलायती विश्वविद्यालयमा अध्ययनरत नेपाली युवाहरुको एउटा सञ्जाल मर्जिङ नेपसक्सले गत शनिबार एथिना क्वीन स्ट्रिट लेस्टरमा विशाल सांस्कृतिक जमघट गरयो ।

बेलायतका ५० भन्दा बढि विश्वविद्यालयमा अध्ययनरत करिब ३०० सय नेपाली विद्यार्थी र युवा पेशेवरहरु कार्यक्रममा सहभागी थिए । कार्यक्रममा तन्नेरीहरुले नेपाली कला संस्कृति झल्कने गरि आफ्नो टयालेन्ट देखाए । उनीहरुको यस्तो कार्यक्रम यो दोश्रो हो । विद्यार्थी विभिन्न शहरबाट कोच रिजर्भ गरेरै कार्यक्रमस्थल पुगेका थिए ।

टयालेन्ट शोमा दश भन्दा बढि विश्वविद्यालयका विद्यार्थीले नृत्य र गायन प्रस्तुत गरे ।

सो अवसरमा किली युनिभर्सिटी, नटिङहाम युनिभर्सिटी, डि मोन्टफोर्ट युनिभर्सिटी, डर्बी युनिभर्सिटी, किङसटन युनिभर्सिटी, रोहेम्टन युनिभर्सिटी, सेन्ट म्यारिज युनिभर्सिटी, इष्ट एङलिया युनिभर्सिटी, युनिभर्सिटी अफ लेस्टर र नटिंगहाम एण्ड लोबरो युनिभर्सिटी अध्ययनरत विद्यार्थीले आकर्षक नेपाली नृत्य र गीत प्रस्तुत गरे । भक्त व्याण्डले पनि नेपाली गीत प्रस्तुत गरेर दर्शकलाई मज्जाले नचायो ।

उक्त सञ्जालले नेपालमा मेन्टरिङ स्किमसहित विभिन्न सामाजिक प्रोजेक्ट सञ्चालन गरेको 
मर्जिङ नेपसक्सका संस्थापक अध्यक्ष पवन कंडेलले जनाए ।

दुई वर्ष अघि देखि सक्रिय मर्जिङ नेपसक्स एउटा सामाजिक अभियान रहेको र यसले बेलायतस्थित विभिन्न विश्वविद्यालयमा अध्ययनरत नेपालीबीच सम्बन्ध विस्तार गरि मातृभूमिका लागि केही गर्ने सोचले अगाडि बढेको अर्का युवा ओजेश सिंह बताउंछन् ।

प्रतिक्रिया

सम्बन्धित सामाग्री

फेसबुक