लण्डनमा नेपाली इन्जिनियरहरुलाई तालिम

लण्डन । सोसाइटी अफ नेपलिज इन्जिनियर्स युकेले   लण्डनको ब्ल्याकहीथस्थित एभरेस्ट इन् रेस्टुरेन्टमा एक दिने तालिम गरेको छ । 

Geographic Information System (GIS) सम्बन्धि सो तालिममा लन्डन र आसपासका विभिन्न विधाका १५ जना इन्जिनियरहरुको सहभागिता थियो । 

समाजका सदस्य तथा उक्त कार्यक्रमका संयोजक बेद भट्टराइले संचालन गरेको कार्यक्रममा GIS बिज्ञ डा. बिदुर घिमिरेले सहभागीहरुलाई तालिम दिएका थिए । सो कार्यक्रममा GIS को इन्जिनियरिङ्ग एप्लीकेसन, बिभिन्न सफ्टवेयरहरुका बीचको अन्तरसम्बन्ध लगायत यसको Intensive application को चर्चा गरिएको थियो । 

समाजका वरिस्ठ सदस्य तथा सल्लाहकार के. के. श्रेष्ठले यस किसिमका कार्यक्रम इन्जिनियर समुदायका लागि अति उपयोगी हुने धारणा राख्नुका साथै अनुभव आदानप्रदान तथा पुनर्ताजगी कार्यक्रमको बिशेषता रहेको बताए । कार्यक्रम संयोजक भट्टराइले आगामी दिनमा AutoCAD, Primavera, Revit, Visual Basic, BIM लगायतका तालिमहरु संचालन गरिने जानकारी दिए । 

समाजका अधक्ष शैलेन्द्र श्रेष्ठले आगामी दिनहरुमा पनि सबैका लागि उपयोगी हुने तालिम संचालन गरिने जानकारी गराउँदै ट्रेनिङ टिम लगायत सबै सहभागीहरुलाई धन्यबाद सहित प्रमाण पत्र बितरण गरेका थिए।