लन्डन आउंदै अर्थमन्त्री खतिवडा

लन्डन । अर्थमन्त्री युवराज खतिवडा लन्डन आउने भएका छन् । लन्डनस्थित नेपाली दूतावासले २२ फेब्रुअरीमा गर्न लागेको ‘नेपाल विकास सम्मेलन’ मा कि-नोट स्पीकरका रुपमा मन्त्री खतिवडा लन्डन आउन लागेका हुन् । उनी २० फेब्रुअरीका दिन लन्डन उत्रने कार्यक्रम छ । उनको भ्रमण नेपाल सरकारले 
अर्को महिना २९ देखि ३० मार्चसम्म काठमाडौंमा गर्न लागेको लगानी सम्मेलनका लागि यहांका व्यवसायीलाई उत्प्रेरित गर्न पनि भएको दूतावास श्रोतले जानकारी दिएको छ ।

दुई दिन बेलायतमा रहंदा मन्त्री खतिवडाले डिफिड इन्टरनेशनल सेक्रेटरीलगायत केही सरकारी अधिकारीहरुसंग समेत भेटघाट गर्ने कार्यक्रम छ ।

दूतावासमा हुने पांचौं उक्त नेपाल विकास सम्मेलन विशेषगरि ‘नेपालमा लगानीका अवसर’ मा केन्द्रित हुनेछ । यसपटकको सम्मेलनमा बेलायती तथा नेपाली व्यवसायीहरुको उल्लेख्य सहभागिता हुने दूतावासले जनाएको छ ।