बिहीबार, माघ १३ २०७८ | Thu, January 27, 2022
नेपालको समय: २२:३५ | UK Time: 16:50

ट्रम्प फेरि बेलायत आउने

रासस-सिन्ह्वा
२०७५ माघ २३ गते २१:२५

गत वर्ष बेलायती महारानीसंग भेटपछि ट्रम्प र फस्ट लेडी मिलानिया । तस्विर- एपी

लण्डन- अमेरिकाका राष्ट्रपति डोनाल्ड ट्रम्प बेलायत आउने अपेक्षा गरिएको छ ।  आउंदो डिसेम्बरमा हुने नेटो शिखर सम्मेलनमा सहभागी हुन ट्रम्प बेलायत आउने अधिकारीहरूले बताएका छन् ।  राष्ट्रपति भएपछिको पहिलो भ्रमण गत बर्षको जुलाईमा गर्दा उहाँविरुद्ध व्यापक प्रदर्शन भएको थियो ।

नेटो प्रमुख जेन्स स्टोल्टेनबर्गले बुधबार जारी गरेको वक्तव्यमा डिसेम्बरमा शिखर सम्मेलन गर्ने सहमती भएको उल्लेख गरिएको छ ।

सुरक्षा चुनौती र नेटोले मानिसलाई सुरक्षित राख्न कसरी सक्छ भन्ने बारेमा शीर्ष नेताहरू बीच छलफल हुने वक्तव्यमा लेखिएको छ ।

बेलायती प्रधानमन्त्रीको कार्यालयद्धारा बुधबार जारी गरिएको विज्ञप्तीमा प्रधानमन्त्री टेरेजा मेले सो सम्मेलनलाई ‘महत्वपूर्ण अवसर’को रूपमा लिइएको बताउनु भएको उल्लेख छ ।

विश्वको आधुनिकीकरणका लागि नेटोको शिखर सम्मेलन महत्वपूर्ण हुने उहाँको विश्वास छ । नेटोको इतिहासमा बेलायतले मुख्य भूमिका खेल्दै आएको छ ।

प्रतिक्रिया

सम्बन्धित सामाग्री

फेसबुक