लन्डन । लिड्स विश्वविद्यालयमा अन्तर्राष्ट्रिय कानुनका प्राध्यापक एवं ब्यारिस्टर डा. सूर्यप्रसाद सुवेदी (क्यूसी/ओबिइ) ले लन्डनमा एक प्रवचन दिने भएका छन् । प्रा. सुवेदीले आगामी १३ फेब्रुअरी बुधबार लन्डन स्कुल अफ इकोनोमिक्समा ‘नेपालमा मानवअधिकार र संविधानवाद’ विषयमा लेक्चर दिन लागेका हुन् ।
सांझ ६ देखि सांढे ७ बजेसम्म गरिने उक्त कार्यक्रम नेपालको वर्तमान परिप्रेक्ष्यमा महत्वपूर्ण र ज्ञानवर्धक हुने ठानिएको छ । लन्डन स्कुल अफ इकोनोमिक्सले नै प्राध्यापक सुवेदीलाई उक्त लेक्चर दिन निमन्त्रणा गरेको हो । कार्यक्रममा सहभागी हुन इच्छुकलाई इमेल
[email protected] मा नाम दर्ता गराउन आव्हान गरिएको छ ।
