सोमबार, माघ १० २०७८ | Mon, January 24, 2022
नेपालको समय: ०६:२० | UK Time: 00:35

उपाध्यक्ष आचार्यद्वारा एनआरएनए चीनका पदाधिकारीहरुलाई बधाई

वीनेपाली
२०७५ पुष ३ गते २१:२४

लन्डन । गैर आवासीय नेपाली संघका केन्द्रीय उपाध्यक्ष कुल आचार्यले चीनको भ्रमण गरेर एनआरएन चीनको नवगठित तदर्थ समितिका पदाधिकारी तथा सदस्यहरुलाई बधाई दिएका छन् ।

गत डिसेम्बर ८ र ९ तारिखमा हङकङमा गैर आवासीय नेपाली संघ एशिया प्यासिफिकको छैठौं क्षेत्रीय सम्मेलन तथा प्रथम महिला सम्मेलनमा भाग लिएपछि हङकङका सफल व्यवसायी जगन्नाथ ज्ञवालीका साथ आचार्य चीनको ग्वाङजाउ पुगेका थिए ।

त्यहाँ आयोजित एक कार्यक्रममा उनले गैरआवासीय नेपाली संघ चीनको नवगठित तदर्थ समितिका अध्यक्ष सुदेश कुमार झा लगायत पदाधिकारी तथा सदस्यहरुलाई बधाई दिए । उनले एनआरएनए आइसिसीको मापदण्ड अनुसार समयमै वार्षिक साधारण सभा गराउन सुझाव दिए ।

त्यस्तै एनआरएनएको च्यारिटी टास्कफोर्सका संयोजक पनि रहेका आचार्यले गैरआवासीय नेपाली संघ चीनका पदाधिकारी तथा सदस्यहरुलाई नेपालमा आ-आफ्नो गाउँठाउँमा कल्याणकारी काम गर्न आग्रह गरे । उनले चीनमा बसोबास गर्ने सबैजसो नेपालीहरुले केही न केही व्यवसाय गरिरहेको थाहा पाउँदा आफू अत्यन्त खुसी भएको पनि बताए ।

सो अवसरमा तदर्थ समितिका अध्यक्ष झाले उपाध्यक्ष आचार्यलाई ग्वाङजाउमा स्वागत गर्न पाएकोमा खुसी व्यक्त गर्दै चीनमा विभिन्न पेशा र व्यवसायमा संलग्न सबै गैर आवासीय नेपालीहरुलाई समेटन आफूहरु लागीपरेको बताएका थिए ।

प्रतिक्रिया

सम्बन्धित सामाग्री

फेसबुक