लन्डन । बेलायतको नेपाली इभेन्टमध्ये हालसम्मकै उच्च पुरस्कार राशी ५ हजार पाउण्डको फुटबल लिग हुने भएको छ । आगामी मे २० देखि २४ सम्म अल्डरसट फुटबल स्टेडियममा इन्टरनेशनल नेपलिज फुटबल लिग खेलाउन लागिएको हो । उक्त लिगको च्याम्पियन टिमले ५ हजार पाउण्ड र रनरअपले २ हजार पाउण्ड नगद पुरस्कार तथा आकर्षक ट्रफी पाउने आयोजकले जनाएका छन् । दिनेश (डिन) श्रेष्ठ, सन्दीप पौडेल र नवीन गुरुङ आयोजक हुन् ।
आयोजकमध्ये एक दिनेश श्रेष्ठले ११ ए साइड उक्त प्रतियोगितामा कुल ३२ टिमले प्रतिष्पर्धा गर्ने जानकारी दिए । प्रतियोगितामा फेयर प्ले टिमले २५० पाउण्ड, वेष्ट प्लेयरले ३०० पाउण्ड, टप गोल स्कोररले १५० पाउण्ड र वेष्ट गोल किपरले १०० पाउण्ड र ट्रफी पाउनेछन् ।
उक्त प्रतिष्पर्धामा भाग लिन छिट्टै टिम दर्ता प्रक्रिया खुल्ला गरिने र प्रति टिम ४५० पाउण्ड शुल्क लाग्ने जनाइएको छ ।
