लन्डन । इष्ट लन्डनमा एक युवती बलात्कृत भएकी छन् । २२ वर्षीया युवती गत ९ नोभेम्बर शुक्रबार राती बलात्कृत भएको प्रहरीले जनाएको छ । ती युवतीको हयान्बरी स्ट्रिट, टावर हयाम्लेट्समा कालो वर्णको एक युवासंग जम्काभेट भएको थियो । प्रहरीका अनुसार, २५ देखि ३५ वर्ष उमेरको सो युवाले घरको तल्लो तलासम्म पछयाउंदै युवतीमाथि यौनजन्य हमला गरेको थियो । पीडकले झण्डै २० मिनेटपछि त्यो ठाउं छाडेको हुनसक्ने प्रहरीको विश्वास छ ।
प्रहरीले शंकास्पद व्यक्तिको दुईवटा तस्विर सार्वजनिक गरेको छ । बलात्कारीले कालो रंगको जम्पर लगाएको थियो तर पछि जम्पर र हयाट घट्नास्थलमै छाडेको बताइएको छ ।
बलात्कृत युवतीलाई न्याय दिलाउन प्रहरीले काम गरिरहेको छ । प्रहरीले बलात्कार गर्ने युवाबारे जानकारी भए उपलब्ध गराइ सहयोग गर्न आग्रह गरेको छ ।
