दक्षिणपूर्व क्षेत्रीय तमुधिं लण्डनद्वारा आर्थिक सहयोग

लन्डन । दक्षिणपूर्व क्षेत्रीय तमुधिं लण्डनले स्पोर्टस् च्यारिटी कार्यक्रम गरेको छ । १८ अगस्त २०१८ मा भएको च्यारिटीबाट संस्थाले ३ हजार १४२ पाउण्ड संकलन गर्न सफल भएको छ ।

कार्यक्रमबाट संकलित रकम संस्थाले किनेको भवनको ऋण तिर्न खर्च गर्ने, यस क्षेत्रमा डायमन्ड बुद्धिस्ट सेन्टरद्वारा अगाडि बढाइएको बौद्ध गुम्बा निर्माण अभियान र रोयल नेपलिज ग्रीनविच सोसाइटीले सञ्चालन गर्दै आएको बालबालिकाका लागि नेपाली भाषा पठनपाठनमा आर्थिक सहयोग गर्ने संस्थाका अध्यक्ष श्रीचन्द्र गुरुङले प्रतिवद्धता जनाए ।

शनिबार २९ सेप्टेम्बरमा संस्थाको भवनमा बसेको बैठकले संकलित रकमबाट २५० पाउण्डको दरले डायमन्ड बुद्धिस्ट सेन्टर यूकेको गुम्बा खरिद र रोयल ग्रीनवीच नेपाली सोसाइटीद्वारा सञ्चालित नेपाली कक्षालाई जम्मा ५ सय पाउण्डको चेक दुबै संस्थाका अध्यक्षद्वय सुमलकुमार गुरुङ र हरिगोविन्द गुरुङलाई हस्तान्तरण गरेको छ ।

संस्थाका अध्यक्ष श्रीचन्द्र गुरुङको नेतृत्वमा संस्थाले आफ्नो उद्देश्य अनुरुप धेरै उदाहरणीय कार्य गर्दै आएको छ ।

वहुप्रतिक्षित संस्थाको भवन खरिद पश्चात द्रुत गतिमा च्यारिटीका कार्यक्रम गरेर भवनलाई ऋण मुक्त गर्ने दिशातर्फ संस्था लागेको छ ।
च्यारिटीमा बारबेक्यू लगायत अन्य नेपाली परिकार, पेय पदार्थ र मनोरन्जनात्मक खेलकुद व्यवस्था गरिएको थियो ।