तस्वीरः कान्तिपुर
काठमाडौँ-नेपाली राष्ट्रिय फुटबल टोलीका पूर्वकप्तान मणिविक्रम शाहको सोमबार साँझ ५ बजेर ४२ मिनेट जाँदा ५१ वर्षका उमेरमा थापाथलीस्थित नर्भिक अस्पतालमा निधन भएको छ ।
कलेजोमा गम्भीर समस्या देखिएपछि आइतबार साँझ सो अस्पताल भर्ना भएका शाहको आज उपचारका क्रममा निधन भएको अस्पतालका जनसम्पर्क अधिकृत आरपी मैनालीले बताए । “उहाँ अस्पताल आउँदा लिभर फेल भइसकेको थियो”- मैनालीले भने ।
“जनरल इन्टेन्सिभ केयर युनिटमा राखेर उपचार शुरु गरयौं, त्यसमा पनि उहाँको अवस्थामा सुधार भएन, आज बिहानदेखि भेन्टिलेटरमा राखेर उपचार गर्दै थियौँ, साँझ निधन भयो,” उनले थपे ।
अहिले अस्पतालमा खेलाडी, राष्ट्रिय खेलकुद परिषद्का पदाधिकारी र परिवारका सदस्यको बाक्लो उपस्थित रहेको बताइएको छ ।
