नखिपोट ब्याडमिण्टन संघ यूकेमा निर्मला थापा

लन्डन । नखिपोट ब्याडमिनटन संघ यूकेको अध्यक्षमा निर्मला थापा निर्वाचित भएकी छिन् ।

संघको शनिबार सम्पन्न साधारण सभाले थापाको अध्यक्षतामा १३ सदस्सीय नयाँ कार्यसमिति चुनेको हो । समितिको उपाध्यक्षमा खेम लिम्बु, महासचिब कुलबहादुर राई, सचिव चन्द्र राना, कोषाध्यक्ष प्रेम शिरिस, सहायक कोषाध्यक्ष सूर्य लिम्बू, सञ्चार प्रतिनिधि मिलन चन्द्र राई, महिला प्रतिनिधि इन्द्र पुन, क्षेत्रिय प्रतिनिधिहरुमा निर्मल शिरिस, दुत गुरुङ, अमर सेश लावती, नेत्र गुरुङ र राजेन गुरुङ रहेका छन् ।

संघको साधारणसभाको प्रथम सत्र आस स्पोर्टस् सेन्टर सर्रेमा ब्याडमिण्टन खेलका साथ भएको थियो । बेलुकी भेटघाट रेस्टुरेन्टमा अध्यक्ष कृष्ण पुनको अध्यक्षतामा औपचारिक कार्यक्रम भएको थियो । उपाध्यक्ष प्रेम गुरुङको स्वागत मन्तब्य, महासचिव निर्मला थापा तथा कोषाध्यक्ष खेम लिम्बुबाट वर्षिक प्रगति विवरण प्रस्तुत गरिएको थियो । सभाका अध्यक्षले कार्यसमितिको पदावधि समाप्त भएको घोषणासहित सभालाई बिसर्जन गरेपछि निर्वाचन मण्डलका संयोजक नारायण कोन्मेको अध्यक्षतामा सदस्यहरु प्रेम गुरुङ, कृष्ण घोतानेको संयुक्त निर्वाचन मण्डलले नयाँ कार्यसमितिको चयन गरेको थियो ।

निर्वाचित सदस्यहरुलाई प्रमुख अतिथि श्रीमती रुक्मिणी पुन तथा निर्वाचन आयुक्त नारायण कोन्मेबाट खादाबाट बधाई ज्ञापन गरेका थिए भने निवर्तमान अध्यक्ष कृष्ण पुन र उपाध्यक्ष प्रेम गुरुङ्लाई संस्थाप्रति पुरयाएको योगदानको कदर गर्दै निर्वाचन मण्डलका सदस्य कृष्ण घोतानेबाट खादा लगाई दिएर शुभकामना तथा धन्यबाद ब्यक्त गरिएको थियो । अन्तमा बुझबुझारथको कार्य सकी निर्वाचन आयुक्तबाट सभा विसर्जन गरिएको थियो ।