बुधबार, असोज १४ २०७७ | Wed, September 30, 2020
नेपालको समय: ०१:५२ | UK Time: 21:07

बंगलादेश–भारत–नेपाल बस सेवा शुरु

रासस
२०७५ वैशाख १४ गते २३:००

बङगलादेशको राजधानी ढाकाबाट चारदेशीय यातायात सञ्चालनको परीक्षणका लागि बुधबार नेपालको काँकडभिट्टा आइपुगेका यात्रुवाहक बस । तस्बिर – चन्द्रकला भण्डारी, झापा, रासस

काठमाडौँ, १४ वैशाख – बंगलादेश, भारत र नेपालबीच पहिलोपटक परीक्षणका रुपमा बससेवा शुरु भएको छ ।

तीनदिनअघि बंगलादेशको राजधानी ढाकाबाट कोलाकाता हुँदै यात्रुबाहक बस पहिलोपटक नेपालको संघीय राजधानीमा आइपुगेको छ ।

उक्त बसका यात्रीका रुपमा तीनवटै मुलुकका सरकारी प्रतिनिधिमण्डल सम्मिलित थिए ।

बससेवा प्रारम्भसँगै भ्रमणमा रहेका प्रतिनिधिमण्डलको सम्मानमा नेपालका लागि बंगलादेशका राजदूत मास्फी बिन्टे शाम्सले आज साँझ यहाँस्थित आफ्नै निवासमा एक स्वागत समारोह आयोजना गर्नुभयो ।

त्यसअवसरमा उहाँले बससेवा प्रारम्भ भएकामा प्रशन्नता प्रकट गर्दै त्यसले बंगलादेश, भारत र नेपालमा समृद्धिको मार्ग प्रशस्त गर्ने विश्वास व्यक्त गर्नुभयो ।

‘तीनवटै मुलुकको पर्यटन, व्यापार–वाणिज्य र जनसम्पर्क विस्तारबाट हाम्रो आर्थिक प्रगति हुनेछ’- उहाँले भन्नुभयो ।

प्रतिक्रिया

सम्बन्धित सामाग्री

फेसबुक