मंगलबार, कार्तिक ४ २०७७ | Tue, October 20, 2020
नेपालको समय: १७:५२ | UK Time: 13:07

नेपाल होलिडेमा च्यारिटी गरेर फर्किए देव गुरुङ

वीनेपाली
२०७४ पुष १२ गते ११:४३


लन्डन । लन्डन साउथ हयारोस्थित गोल्डेनसीप रेष्टुरेन्टका सञ्चालक देव गुरुङले यसपटकको नेपाल होलिडेलाई च्यारिटी कार्यमा सदुपयोग गरे । एनआरएनए विश्व सम्मेलनका क्रममा नेपाल गएका उनी चुनावमा कसैलाई जिताउन वा हराउन लागेनन् । बरु २ महिना लामो बिदाको समय नेपालमा विभिन्न गाउंमा च्यारिटी गर्न खर्चिए ।

गुरुङ कास्कीको घान्द्रुक १ स्थित फुम्रोखुं बराह मावि उद्घाटनमा सहभागी भए । उनले बेलायतमा च्यारिटी गरि उक्त विद्यालय निर्माणका लागि १६ लाख, ९४ हजार तीनसय ६७ रुपैयां सहयोग गरेका थिए ।

गुरुङले तनहुंको रुपाकोट गाविसमा पनि एउटा सामुदायिक भवन बनाउन सहयोग प्रदान गरे । करिब ७ लाख रुपैयांको लागतमा निर्मित उक्त सामुदायिक भवनका लागि उनले तीनलाख रुपैयां सहयोग प्रदान गरेका थिए । त्यस्तै, कुन्छा हाइस्कुलका लागि एक लाख रुपैयां प्रदान गरेको व्यवसायी गुरुङले बताए । गुरुङले आफूले सहयोग गरेको विद्यालयमा पुगेर व्यवस्थापन समिति एवं विद्यार्थीसंग भलाकुसारी गरेका थिए । उनले भेटमा भविष्यमा पनि पूण्यकार्यमा सधैं सहयोग रहने आश्वासन दिएका छन् ।

उता, गुरुङले काठमाडौंस्थित बन्दी सहायता नेपाल (प्रिजनर्स असिस्टेन्टस नेपाल) कार्यालयमा गएर करिब ५० हजार रुपैयांको खाद्य सामाग्री समेत खरिद गरिदिए । उक्त संस्थाले बन्दी जीवन बिताइरहेका महिलाका टुहुरा बालबालिकालाई आश्रय दिइरहेको छ । खाद्य सामाग्री हस्तान्तरणपछि बन्दी सहायता नेपालकी संस्थापक अध्यक्ष इन्दिरा रानामगरले गुरुङप्रति आभार व्यक्त गरेकी छन् ।

गुरुङ व्यवसायका अलवा समाजसेवामा पनि उत्तिकै समर्पित छन् ।

प्रतिक्रिया

सम्बन्धित सामाग्री

फेसबुक