आइतबार, माघ ११ २०७७ | Sun, January 24, 2021
नेपालको समय: ०१:२६ | UK Time: 19:41

बुद्ध फाउण्डेशन यूकेद्वारा दलाई लामाको विवादास्पद अभिव्यक्तिको विरोध

वीनेपाली
२०७४ मंसिर ८ गते ११:२९


लन्डन । आध्यात्मिक नेता दलाई लामाले भारतमा हालै दिएको एउटा विवादास्पद अभिव्यक्तिको बेलायतस्थित नेपालीले विरोध गरेका छन् ।
बुद्ध फाउण्डेशन यूकेले शुक्रबार एक विज्ञप्ति जारी गर्दै दलाई लामाले ‘गौतम बुद्ध भारतीय हुन्’ भनेर दिएको अभिव्यक्तिप्रति कडा भत्सना 
गर्दै लामालाई आममाफी माग्न माग गरेको छ ।

गत अक्टोबर १६, २०१७ का दिन भारतको उत्तर प्रदेशमा आयोजित एक शैक्षिक कार्यक्रमलाई सम्वोधन गर्दै लामाले नेपालीलाई ‘मुर्ख’ भन्दै बुद्ध भारतीय भएको अभिव्यक्ति दिएका थिए । उनले बोलेको भिडियो अहिले सामाजिक सञ्जालतिर भाइरल भइरहेको छ र यसलाई विश्वभरका नेपालीले विरोध गरिरहेका छन् ।

लुम्बिनी गौतम बुद्धको जन्मस्थल भएकोबारे संयुक्त राष्ट्रसंघीय निकाय 
’युनेस्को’ ले मान्यता दिइसकेको अवस्थामा लामाको अभिव्यक्तिले करोडौं नेपालीको भावनामा आघात पुग्नुका साथै बुद्धको जन्मस्थलबारे भ्रम फैलाउन मद्दत पुगेको बुद्ध फाउण्डेशन यूकेका अध्यक्ष दीपक श्रेष्ठ र महासचिव गणेश खड्काले जारी गरेको विज्ञप्तिमा उल्लेख छ ।

प्रतिक्रिया

सम्बन्धित सामाग्री

फेसबुक