भोकमरी फैलिएपछि चीनद्धारा दक्षिण सुडानलाई १५ सय टन चामल प्रदान

भोकमरीको चपेटामा वालवालिका । फाइल तस्विर

जुवा (दक्षिण सुडान), २७ साउन । चिनियाँ सरकारले दक्षिणी सुडानमा भोकमरी फैलिएपछि आकस्मिक रूपमा बिहीबार १५ सय टन चामल राहत स्वरुप प्रदान गरेको छ ।

चीनले गत अप्रिलमा आठ हजार आठ सय टन चामल द्वन्द्वग्रस्त पुर्वी अफ्रिकी मुलुकहरुलाई सहयोग स्वरुप प्रदान गर्ने प्रतिज्ञा गरेको थियो ।

दक्षिणी सुडानमा रहेको चिनियाँ दूतावासका एक जना उच्च अधिकारी लि छिङफेङले पहिलो चरणमा ६० कन्टेनर चामल यस अगाडी नै दक्षिणी सुडानको राहत तथा पुनःउद्दार आयोगलाई हस्तान्तरण गरेको जानकारी दिनुभयो । उहाँले बाँकी चामल आगामी महिना सम्ममा आइसक्ने पनि बताउनुभयो ।

चीन र दक्षिण सुडानको दुईपक्षीय सम्बन्धलाई चीनले निकै महत्व दिएको कुटनीतिक अधिकारीहरुको भनाई छ ।

‘दक्षिण सुडानको एउटा साँच्चैको साथी र गम्भीर सहपाठीको रुपमा चीनले दक्षिण सुडानलाई सधै दह्रो सहयोग गर्दछ, दक्षिण सुडानको शान्ति प्रक्रियालाई पनि सक्दो सघाउने छ’, लिले भन्नुभयो ।

दक्षिण सुडानमा तीन बर्ष भन्दा लामो समय चलेको द्धन्द्धबाट अहिले जनताले राहत महशुस गरिरहेका छन् ।

द्वन्द्वरत पक्षकाबीचमा गत सन् २०१५ को अगस्तमा शान्ति सम्झौता भएको थियो । राष्ट्रसङ्घीय प्रतिनिधिहरुको रोहबरमा भएको सम्झौतापछि संक्रमणकालिन संयुक्त सरकार बनेको थियो ।

प्रतिक्रिया

सम्बन्धित सामाग्री