सोमबार, असोज ५ २०७७ | Mon, September 21, 2020
नेपालको समय: ०८:३७ | UK Time: 03:52

बाटो काट्दा कारले ठक्कर दिँदा लण्डनमा नेपाली महिलाको निधन

वीनेपाली
२०७४ वैशाख ४ गते २०:५४

लण्डन । बाटो काट्ने क्रममा कारले ठक्कर दिँदा लण्डनमा एक नेपाली महिलाको निधन भएको छ ।
शनिबार बिहान करिब ११ बजे लण्डनको साउथ ह्यारोमा भएको सो दुर्घटनामा परी ७६ वर्षीय थकमती पुनको घटनास्थलमै निधन भएको छ ।
प्राप्त जानकारीअनुसार ७७ वर्षे श्रीमान चन्द्रबहादुर पुन र थकमती पुन सो दिन सदाझैँ मर्निङ वाकका लागि निस्किएका थिए । श्रीमान बाटो काटेर पारि पुगे भने पछिपछि बाटो काट्दै गरेकी श्रीमतीलाई कारले ठक्कर दिन पुग्यो ।
दुर्घटनापछि प्रहरी, स्वास्थ्यकर्मी घटनास्थल आइपुगेका थिए । उनीहरुले एयर एम्बुलेन्स बोलाउने परामर्श गर्दागर्दै पुनलाई मृत घोषित गरेका थिए । अहिले उनको शव नर्थवीक पार्क अस्पतालमा राखिएको छ ।
म्याग्दी दग्नामकी पुन युकेमा पूर्व गोरखा सैनिक श्रीमानका साथ साउथ ह्यारोमा बस्दै आएकी थिइन् । उनका १ छोरा र ५ छोरी नेपालमै छन् ।
उनको शवलाई पुलिस केस र पोस्टमार्टमपछि एक सातामा परिवारलाई दिइने बताइएको राहुघाट सेरोफेरो युकेका सचिव धन पुनले जानकारी दिए ।
उनको शवलाई परिवारको अनुरोधमा नेपाल पठाइने पनि पुनले बताए । अहिले युकेमा रहेका दग्नामबासी र राहुघाटबासीले उनको परिवारका लागि सहयोग संकलन शुरु गरेका छन् ।

प्रतिक्रिया

सम्बन्धित सामाग्री

फेसबुक