मंगलबार, जेठ ४ २०७८ | Tue, May 18, 2021
नेपालको समय: ०१:५८ | UK Time: 21:13

बेलायतबाट अभिनेता क्षेत्रीलाई ३ लाख प्रदान

वीनेपाली
२०७४ वैशाख ४ गते ११:२२

लन्डन । अस्वस्थ अभिनेता दीपक क्षेत्रीको उपचारार्थ बेलायतवासी नेपालीले आर्थिक सहयोग गरेका छन् । बेलायतबाट संकलित तीन लाख रुपैयां आइतबार नेपालमा वरिष्ठ अभिनेता कृष्ण मल्ल तथा मोडल जान्वी बोहराले क्षेत्रीलाई हस्तान्तरण गरे ।

क्षेत्रीको उपचारका लागि समाजका सल्लाहकार एवं प्रवासी नेपाली मञ्च यूकेका अध्यक्ष रामशरण सिम्खडाको विशेष पहल तथा क्षेत्री समाज बेलायतको संयोजनमा ३ दिनमा संकलित तीन लाख रुपैयां नेपाल पठाइएको आपतकालिन कोष संयोजक प्रतिमा केसीले जनाइन् ।

क्षेत्री विगत चार वर्षदेखि घांटीमा मासु पलाएर ग्रसित छन् । उनको जीवनरक्षाका लागि सरकारले केही नगरेपछि देश विदेशबाट सहयोग संकलन जारी छ । गत साता सञ्चार माध्यम तथा सामाजिक सञ्जालहरुमा उनको मर्मस्पर्शी भिडियो अन्तर्वार्ता भाइरल भएपछि उनलाई सहयोग ओइरिने क्रम बढेको हो ।

दार्जिलिंगमा जन्मेर काठमाडौंमा आइ दर्जनौं नाटक, टिभी सिरियल र सयौं चलचित्रमा जोडदार अभिनय गरेका क्षेत्री विगत ४ वर्षदेखि घांटीमा मासु पलाएर बोल्न नसक्ने अवस्थामा पुगिसकेका छन् ।

प्रतिक्रिया

सम्बन्धित सामाग्री

फेसबुक