लन्डन । लन्डन एजवेयर रेल स्टेसन नजिक एक नेपालीको जापनिज रेष्टुरेन्ट खुलेको छ । युवा व्यवसायी सुरज पौडेलले ‘मि लभ सुसी’ नामक रेष्टुरेन्ट सञ्चालन गरेका हुन् । नयां व्यवस्थापनमा सञ्चालन हुन लागेको रेष्टुरेन्टको औपचारिक उद्घाटन यही २६ मार्च आमाको मुख हेर्ने दिन गरिने पौडेलले जनाए । रेष्टुरेन्ट उद्घाटनका अवसरमा ग्राहकलाई ४० प्रतिशत डिस्काउन्ट र वेलकम ड्रिंक्स निशुल्क बांडिने पौडेलले बताए ।
५० सिट क्षमताको उक्त रेष्टुरेन्टमा सुसी, नुडल्स, बेन्टोसहित झण्डै दुई सय जापनिज खाना उपलव्ध छन् । ‘टेक वे’ र चार माइल वरपर होम डेलिभरी समेत गरिने पौडेलले बताए । जन्मदिन, म्यारिज एनिभर्सरी वा अन्य हरेक उत्सवका लागि रेष्टुरेन्ट लोकेसन पायक र वातावरण पारिवारिक भएको बताइएको छ । अहिले स्वास्थ्यकर खानाको चाहनासंगै माग बढेकाले अन्य नेपाली व्यवसायीभन्दा फरक जापनिज रेष्टुरेन्ट खोलिएको सञ्चालक पौडेलले जनाएका छन् ।
