शुक्रबार, कार्तिक ७ २०७७ | Fri, October 23, 2020
नेपालको समय: ०४:५८ | UK Time: 00:13

मेडस्टोनमा नेपालीले पाए सामुदायिक घर

वीनेपाली
२०७३ पुष २४ गते २:१६


लन्डन । मेडस्टोनवासी नेपालीलाई खुशीको खबर छ । उनीहरुले स्थानीय काउन्सिलबाट सामुदायिक घर पाएका छन् । मेडस्टोन गोर्खा नेपलिज कम्युनिटीलाई काउन्सिलले भवन दिएको हो । कम्युनिटीको उक्त ‘समाज घर’ सप्ताहन्तमा उद्घाटन भएको छ । मेडस्टोन मेयर काउन्सिलर डेरेक बटलर र बेलायतका लागि नेपाली राजदूत डा. दुर्गाबहादुर सुवेदीले एक कार्यक्रमबीच उक्त भवन 
उद्घाटन गरे ।


मेडस्टोन बरो काउन्सिलले उक्त भवन मेडस्टोन गोर्खा नेपलिज कम्युनिटीलाई लिज होल्ड करारमा भोग चलन गर्न गराउन पाउने अनुमति दिएपछि कम्युनिटी सदस्यहरुकै सक्रियतामा भवन मर्मत 
सम्भार गरी सञ्चालनमा ल्याइएको कम्युनिटीका पिआर भीष्म गुरुङले जानकारी दिए ।

उक्त भवन मार्फत आवश्यकता हेरि समाजका सदस्यहरु लगायत अन्य स्थानीयहरुका लागि विभिन्न सेवा सुविधा उपलब्ध गराइने छ । उद्घाटन समारोहमा बोल्दै समाजका अध्यक्ष मेजर (रिटायर्ड) धन बहादुर चन्दले समाजका सदस्यहरु लगायत बरो काउन्सिलका सबैको सहयोगले मात्र यो कार्य सम्पन्न हुन सकेको भन्दै आभार व्यक्त गरे ।

प्रतिक्रिया

सम्बन्धित सामाग्री

फेसबुक