बिहीबार, कार्तिक १३ २०७७ | Thu, October 29, 2020
नेपालको समय: १४:२२ | UK Time: 08:37

३३ किलो अवैध सुन छुटेको सम्बन्धमा छानबिन गर्न समिति गठन

वीनेपाली
२०७३ पुष २२ गते २२:२९

gold-dmugler

काठमाडौँ, २२ पुस । त्रिभुवन विमानस्थलको भन्सार छलेर ३३ किलो अवैध सुन बाहिरिएको घटनाको सम्बन्धमा भन्सार विभागले छानबिन समिति गठन गरेको छ ।

विभागका उपमहानिर्देशक सुमन दाहालको संयोजकत्वमा पाँच सदस्यीय छानबिन समिति गठन गरेको अन्तर्राष्ट्रिय विमानस्थलका भन्सार विभाग प्रमुख नारायण सापकोटाले जानकारी दिनुभयो ।

सुन छुटेको अवधिमा कार्यरत उपसचिवदेखि कार्यालय सहयोगीसम्मका २९ कर्मचारीलाई जिम्मेवारविहीन बनाइएको उहाँले बताउनु भयो ।

सापकोटाले भन्नुभयो, “कर्मचारीको मिलेमतो, लापर्बाही वा कमजोरी के कारणले सुन छुट्यो भन्ने छानबिन गरी १० दिनमा प्रतिवेदन बुझाउन समितिलाई जिम्मा दिइएको छ ।” छानबिन समितिमा कुलराज ज्ञवाली, टङ्क पाण्डे, पुण्यविक्रम खड्का, श्रीलाल पौडेल सदस्य हुनुहन्छ ।

त्रिभुवन विमानस्थलको भन्सारबाट छाडिएको ३३ किलो सुनसहित पिङ्गलास्थानबाट तीन जनालाई प्रहरीको केन्द्रीय अनुसन्धान ब्युरोले बिहीबार पक्राउ गरेको थियो ।

प्रतिक्रिया

सम्बन्धित सामाग्री

फेसबुक