लन्डनमा गौरिका र सियना सम्मानित

लन्डन । खेलमार्फत नेपाललाई विश्वमाझ चिनाउने दुई किशोरी लन्डनमा सम्मानित भएका छन् ।

रियो ओलम्पिक २०१६ मा सहभागी विश्वकै कान्छी ओलम्पियन 
पौडीकी गौरिका सिंह र विभिन्न अन्तर्राष्ट्रिय तेक्वान्दो प्रतियोगिताकी च्याम्पियन सियना लिम्बु लिङदेनलाई नोआ आर्क स्पोर्टस साइन्स तेक्वान्दो एकेडेमी र इन्टरनेशनल नेपलिज तेक्वान्दो एकेडेमी (एन्टा यूके) ले सम्मान गरेका हुन् ।

शनिबार नर्थहोल्ट पार्क सोसियल क्लबमा आयोजित एक समारोहबीच एनआरएनए यूके अध्यक्ष मुछेत्र गुरुङ, एकेडेमी अध्यक्ष एनजे गुरुङ, बुद्धिष्ट कम्युनिटी सेन्टर यूके अध्यक्ष नारायणप्रसाद गुरुङ, गोर्खा वेलफेयर सोसाइटी यूके अध्यक्ष कृष्णबहादुर 
राई, तमुधिं लन्डन अध्यक्ष डेभिड गुरुङ, लामा धरम गुरुङ, बिजिएनएका तर्फबाट सन्जु गुरुङ, सरिता घर्तीमगर लगायतले सम्मान गरे ।

सम्मान ग्रहणपछि दुवै किशोरीले आभार व्यक्त गर्दै यसले थप प्रेरणा मिल्ने बताए ।

उक्त अवसरमा एकेडेमी अध्यक्ष एनजे गुरुङ र नेपलिज क्रिश्चियन कम्युनिटी यूके अध्यक्षका रेबरेन्ड पास्चर तुलासिंह राईले क्रिसमसको ऐतिहासिक पक्षबारे बोलेका थिए ।

कार्यक्रममा नोआ आर्क स्पोर्टस साइन्स तेक्वान्दो एकेडेमी (पहिलेको एनजे तेक्वान्दो एकेडेमी) खेलाडीले तेक्वान्दो खेल समेत प्रदर्शन गरे । एलिना राई र दीपा गुरुङ राईले सञ्चालन गरेको उक्त कार्यक्रम सफल बनाउन एन्टा यूके महासचिव हयारी गुरुङको उल्लेख्य योगदान थियो । कार्यक्रममा गौरिकाका पिता डा. पारस सिंह, एनआरएनए आइसीसी सल्लाहकार लोकभक्त राणा, यती कोषाध्यक्ष जीवन सेन लगायतको उपस्थिति थियो ।