राजदूत सुवेदीलाई एनआरएनसहितका संस्थाले स्वागत गर्ने

लन्डन । बेलायतका लागि नवनियुक्त राजदूत डा. दुर्गाबहादुर सुवेदीलाई गैर आवासीय नेपाली संघ बेलायतसहित विभिन्न संघसंस्थाले स्वागत गर्ने भएका छन् ।

गत साता लन्डन आइपुगेका राजदूत सुवेदीलाई आगामी १६ अक्टोबर, आइतबार अपरान्ह अल्डरसटस्थित एम्पायर ब्यांक्यूटिंग हलमा स्वागत गर्न लागिएको हो । एनआरएनए यूकेले कार्यक्रमबाट दूतावास र बेलायतस्थित नेपाली समुदायबीचको सम्वन्ध अरु बढ्ने अपेक्षा गरेको छ ।

यसैबीच, राजदूत सुवेदीले यही शुक्रबार सांझ बेलायतमा क्रियाशील नेपाली सञ्चारकर्मीहरुसंग परिचयात्मक कार्यक्रम राखेका छन् ।