शुक्रबार, कार्तिक ७ २०७७ | Fri, October 23, 2020
नेपालको समय: ०६:१६ | UK Time: 01:31

आर्थिक वृद्धिदर पाँच प्रतिशतमा सीमित हुने विश्व बैंकको प्रक्षेपण

वीनेपाली
२०७३ असोज १८ गते ११:५८

world-bank

काठमाडौँ, १८ असोज । चालु आर्थिक वर्षको वृद्धिदर पाँच प्रतिशतमा सीमित रहने प्रक्षेपण विश्व बैंकले गरेको छ ।

दक्षिण एसियाको अर्थतन्त्रबारे विश्व बैंकले आज जारी गरेको अर्धवार्षिक प्रतिवेदनअनुसार चालु आवमा कृषि तथा निर्माणका क्षेत्रमा सुधार हुने भएकाले नेपालको आर्थिक वृद्धिदर पाँच प्रतिशत हुने अनुमान गरिएको हो ।

भूकम्प र भारतसँगको सीमा क्षेत्रमा उत्पन्न अवरोधका साथै विप्रेषण आयमा भएको कमीले गत आवमा नेपालको आर्थिक वृद्धिदरमा बढोत्तरी हुन नसकेको वास्तविकता उक्त प्रतिवेदनले औँल्याएको छ ।

मनसुनको सकारात्मक प्रभाव कृषि क्षेत्रमा परेकाले कृषिको योगदान कुल गार्हस्थ्य उत्पादनमा उल्लेख्य हुने प्रक्षेपण पनि प्रतिवेदनले गरेको छ ।

प्रतिक्रिया

सम्बन्धित सामाग्री

फेसबुक