यतीको दशैं तिहार कार्यक्रम पहिलो पटक साउथ इष्ट लन्डनमा

लन्डन । युरोपकै पुरानो नेपाली संस्था यती नेपाली असोसिएसन यूकेले पहिलो पटक साउथ इष्ट लन्डनमा दशैं तिहार कार्यक्रम 
गर्ने भएको छ । यसअघि नर्थ वेष्ट लन्डनमा मात्र गतिविधि 
गर्दै आएको यतीले २२ अक्टोबर सांझ लोटस क्लव उलवीचमा दशैं तिहार विशेष कार्यक्रम गर्न लागेको हो ।

यतीकी पहिलो महिला अध्यक्ष पिपला देवानले संस्थालाई सिमित वर्ग वा क्षेत्रभित्र मात्र नराखी सबैको साझा संस्था बनाउने उद्देश्य अनुरुप यस्तो निर्णय गरेको धेरै विश्वास छ ।

संस्थाले कार्यक्रममा आएर शुभकामना आदानप्रदान एवं मनोरन्जन गर्न आव्हान गरेको छ ।