शाहसहित १६६ जनालाई सत्यमोहन जोशी शताव्दी पदक

लन्डन । नेपाली साहित्य विकास परिषद यूकेका संस्थापक तथा अध्यक्ष साहित्यकार सुरेशजंग शाह सत्यमोहन जोशी शताव्दी पदक २०७३ बाट सम्मानित हुने भएका छन् । परिषद यूकेले शाहसहित नेपाली साहित्य विकास परिषद नेपाल च्याप्टरका अध्यक्ष वरिष्ठ साहित्यकार इल्या भट्टराई, संयोजक सल्लाहकार वरिष्ठ साहित्यकार कवि गोपाल पराजुली लगायत पुरस्कृत हुने १६६ व्यक्तित्वलाई वधाई दिएको छ ।

अग्रणी साहित्यिक संस्था त्रिमूर्ति निकेतनले शताब्दी पुरूष डा. सत्यमोहन जोशीको शताब्दी महोत्सवका अवसरमा महोत्सवको गरिमामय उचाइ अभिवृद्धिका लागि समर्पित देशदेशान्तरका १६६ जनालाई 
उक्त पदक प्रदान गर्ने निर्णय गरेको हो ।

त्रिमूर्ति दिवसका अवसरमा आगामी मंसीर १ गते काठमाडौंमा पदक प्रदान गरिनेछ ।

नेपाली साहित्य विकास परिषद यूकेका कार्यवहाक अध्यक्ष कोमल प्रसाद श्रेष्ठ मल्लले एक विज्ञप्ति जारी गर्दै त्रिमुर्ति निकेतनप्रति हार्दिक आभार र पुरस्कृत श्रष्टालाई वधाइ दिएका छन् ।