शुक्रबार, कार्तिक १४ २०७७ | Fri, October 30, 2020
नेपालको समय: १०:५९ | UK Time: 05:14

गाजलु सिनेवर्ल्डमा फेरि प्रदर्शन हुंदै

वीनेपाली
२०७३ असोज १४ गते १०:२०
Gajalu show 1

गाजलुको अल्डरसटस्थित प्रिमियर शोमा श्रृष्टिसहित आयोजक । तस्विरः के के मूभिज

लन्डन । पूर्व मिस नेपाल श्रृष्टि श्रेष्ठ अभिनित पहिलो फिल्म गाजलु सिनेवर्ल्डका ९ वटा सिनेमा हलमा फेरि प्रदर्शन हुने भएको छ । उक्त फिल्म अल्डरसटको सिनेवर्ल्डमा आज शुक्रबार बेलुका ८ बजे, फेल्थाममा शनिबार बेलुका ८.४० बजे, वेम्लीमा शनिबार दिउसो १.३० बजे, नटिंगहाममा आइतबार ४.४५ बजे, आसफोर्डमा शनिबार ७.३० बजे, ओटु नर्थ ग्रीनवीचमा आज शुक्रबार बेलुका ८.३० बजे, स्वीन्डन स रिजमा शनिबार ४.३० बजे, म्यानचेष्टर डिड्सबरीमा आइतबार २.२० बजे र स्कटल्याण्डको एडिनबरामा आइतबार दिउसो ३.१० बजे प्रदर्शन गर्न लागिएको आयोजक इन्फा यूकेका प्रशान्त थापाले जनाए ।

यसअघि अल्डरसटमा विशेष प्रिमियरपछि गाजलु सिनेवर्ल्डका यूकेभर दशवटा हलमा सफलतापूर्वक प्रदर्शन भइसकेका थिए ।

बेलायतमा नेपाली चलचित्र प्रवर्धन गर्ने आफ्नो मुख्य उद्देश्य रहेको प्रशान्तले बताए । इन्फा यूकेले उत्कृष्ट नेपाली फिल्म बेलायतको नामी सिनेमा हलमा नियमित रुपमा प्रदर्शन गर्ने योजना बनाएको छ । हेमराज बिसी निर्देशित उक्त चलचित्र रोहित अधिकारीले निर्माण गरेका हुन् । फिल्ममा श्रृष्टि, अनमोल केसी लगायतको अभिनय छ र यसले पूर्व कुमारीहरुको वास्तविक यथार्थ समेटेको छ ।

फिल्मले यूके र नेपालमा आशातित सफलता पाएपछि नायिका श्रृष्टि दंग छन् । श्रृष्टि बेलायतकै स्थायी बासिन्दा भएकाले पनि बेलायतवासी नेपालीले उनी अभिनित गाजलु मन पराएका छन् ।

gajalu

प्रतिक्रिया

सम्बन्धित सामाग्री

फेसबुक