बिहीबार, कार्तिक १३ २०७७ | Thu, October 29, 2020
नेपालको समय: १३:२७ | UK Time: 07:42

क्यान्सर पीडित दुई जनालाई गुल्मी समाजको आर्थिक सहयोग

वीनेपाली
२०७३ असोज १० गते १६:३०

gori3

लन्डन । गुल्मी जिल्ला समाज यूकेले क्यान्सर पीडित दुई जनालाई आर्थिक सहयोग गरेको छ । गुल्मी धुर्कोट बस्तुका ५ वर्षीय बालक रोयल पाण्डे र गुल्मी आपचौर इन्द्रेगौडा निवासी रामप्रसाद भण्डारीलाई आर्थिक सहयोग प्रदान गरिएको हो ।

बालक पाण्डे बिगत तीन महिनादेखि कान्ति बाल अस्पतालमा ब्लड क्यान्सरको उपचार गराइरहेका छन् । उनलाई १ लाख ९६ हजार ३ सय ४० रुपैयां सहयोग गरिएको समाजले जनाएको छ । उता, समाजले नयां दिल्लीस्थित राजीव गान्धी क्यान्सर अस्पतालमा ब्लड क्यान्सरको उपचार गराइरहेका 
रामप्रसाद भण्डारीलाई १ लाख ५० हजार ८ सय १२ रुपैयां सहयोग गरेको छ ।

गुल्मी जिल्ला समाज यूके र पिटरबोरो नेपाली समाज यूकेमा आवद्ध समाजसेवीबाट संकलित रकम सेप्टेम्वर २५ तारिख समाजसेवी एवं पूर्व सांसद रूद्रमणि भण्डारीले अस्पताल पुगेर बालकका आमाबुवालाई हस्तान्तरण गरेका थिए ।

गुल्मी जिल्ला समाज यूकेका सल्लाहकार एवं पिटरबोरो नेपाली समाज यूकेका निवर्तमान उपाध्यक्ष केशव भण्डारी र गुल्मी जिल्ला समाज यूकेका महासचिव शिव भण्डारीले पीडित परिवारको अनुरोधमा बालक पाण्डेको उपचारार्थ बेलायतबाट सहयोग संकलनको संयोजन गरेका थिए । समाज आवद्ध रामप्रसाद सापकोटाको संयोजनमा भण्डारीको सहयोगार्थ रकम उठाइएको थियो ।

समाजका अध्यक्ष राम गलामीले शीघ्र स्वास्थ्य लाभको कामना गर्दै 
बिरामीको उपचारका लागि सहयोग गर्ने सबै दातालाई धन्यवाद दिएका छन् ।

प्रतिक्रिया

सम्बन्धित सामाग्री

फेसबुक