सोमबार, कार्तिक १० २०७७ | Mon, October 26, 2020
नेपालको समय: १२:४३ | UK Time: 06:58

छक्का पन्जाको पहिलो शो ‘हाउसफूल’, भ्यूमा पनि देखाइने

वीनेपाली
२०७३ असोज २ गते १४:४६

chakka-panja-uk
लन्डन । अचेल नेपाली सिनेमाको बेलायत प्रदर्शन सन्तोषजनक हुंदै गएकामा इभेन्ट अर्गनाइजर दंग छन् । केही साताअघि पूर्व मिस नेपाल सृष्टि श्रेष्ठ अभिनित पहिलो फिल्म ‘गाजलु’ युरोपकै प्रतिष्ठित सिने वल्र्डका १० सिनेमा हलमा चले । त्यतिखेर नायिका सृष्टिले भनेकी थिइन्, ‘अब नेपाली सिनेमा 
अन्तर्राष्टिय स्तरका बनिरहेका भन्ने एउटा नमुना हो यो ।’

शनिबार सांझ दीपकराज गिरी र दीपाश्री निरौलाको पछिल्लो चर्चित सिनेमा ‘छक्का पन्जा’ ले समेत बेलायतमा अत्यधिक दर्शक बटुल्यो । नेपालमा भदौ तेश्रो साता रिलिज भएयता नयां रेकर्ड कायम गरिरहेको छक्का पन्जा अल्डरसटस्थित प्रिन्सेस हलमा ‘हाउसफूल’ प्रदर्शन भएको हो ।

आयोजकमध्ये एक बीरेन खड्काले सिनेमा हेर्न ५६५ जना दर्शक सहभागी भएको जानकारी दिए । ‘हामीले नसोचेका दर्शक आए’, खड्काले भने, ‘दर्शक मागका कारण आगामी २५ सेप्टेम्बर सांझ एकैदिन लन्डन उलवीच र स्वीन्डनमा समेत देखाउने भएका छौं ।’ एनआरएनए युरोप संयोजक कुल आचार्यले दीप प्रज्वलन गरेपछि दुई देशका राष्टिय गानसंगै 
प्रदर्शन अघि बढेको थियो ।

लन्डनस्थित नामी भ्यू सिनेमा हलमा समेत छक्का पन्जा लगाउन गृहकार्य भइरहेको खड्काले जानकारी दिए ।

नेपलिज इन्टरटेन्मेन्ट यूकेले छक्का पन्जा बेलायत ल्याएको हो । आयोजक समूहमा राजेन्द्र गुरुङ, अनिल मल्ल र दीपक खड्का समेत थिए ।

14408343_1359182984109835_1617842450_o

दीपाश्री निरौलाको पहिलो निर्देशनमा बनेको उक्त फिल्मले 
हांस्यव्यङयबाहेक रेमिटेन्समाथि निर्भर नेपाली समाजमा त्यसले उब्जाएका सामाजिक विचलन पक्ष राम्ररी समेटेको छ । फिल्ममा प्रियंका कार्की, दीपकराज गिरी, शिवहरि पौडेल, जितु नेपाल, बुद्धि तामाङ, केदार घिमिरे, वर्षा राउत लगायत कलाकार छन् ।

छक्का पन्जा फिल्म निर्माण टोलीले यसअघि बनाएका ६ एकान ६ र वडा नम्बर ६ पनि बेलायतमा राम्ररी प्रदर्शन भएका थिए ।

तस्विरहरुः मिलन तमु

14359658_1359183337443133_424629222_o

प्रतिक्रिया

सम्बन्धित सामाग्री

फेसबुक