बाग्लुँगका अपांग बालबालिकालाई आयरल्याण्डकी सिमानाको सहयोग

लण्डन । बाग्लुङ बुर्तिबाङ्स्थित उत्तरगंगा उच्च माध्यमिक विद्यायलको आवासगृहमा रहेका अपाङ्गता भएका बालबालिकाले एक महिनाको लागि खाद्य तथा शैक्षिक सामग्री सहयोग पाएका छन् ।
सो आवास गृहमा बसोबास गर्ने १८ जना अपाङ्गता भएका बालबालिकालाई खाद्यअभाव भएको समाचार सुनेपश्चात आयरल्याण्डबाट सिमाना आलेले सो सहयोग उपलब्ध गराएकी हुन् ।
आले भूतपूर्व गोरखा सैनिककी छोरी हुन् । केही वर्षदेखि सपिरवार आयरल्याण्डमा बसोबास गर्दै आइरहेकी आले अल्स्टर विश्वविद्यालयकी स्नातक तहकी विद्यार्थी पनि हुन् । उनको यस सहयोग साथीहरुको पनि सहकार्य छ ।
सिमानाले पठाएको सहयोग स्थानीय गीता घर्तीमगरले संयोजन गरी यही भदौ २७ गतेका दिन स्थानियबासी, राजनैतिक दलका प्रतिनिधि तथा अभिभावकहरुको उपस्थितिमा हस्तान्तरण गरियो ।

विद्यालयका शिक्षक, राजनैतिक दलका प्रतिनिधि, अभिभावकहरुले सिमानाको सो कार्यको खुलेर प्रशंसा गरे । प्लान नेपालले आवास गृह बनाए पनि व्यक्तिगत तवरबाट यसरी ठूलो रकमको सहयोग यसअघि नमिलेको बताउँदै उनीहरुले सिमाना र उनको सहयोगी साथीहरुलाई धेरै धेरै धन्यवाद दिए ।