आइतबार, कार्तिक ९ २०७७ | Sun, October 25, 2020
नेपालको समय: ०८:१७ | UK Time: 02:32

दूतावासको राष्ट्रिय दिवसमा विदेशी कुटनीतिज्ञहरु उल्लेख्य

वीनेपाली
२०७३ भदौ २९ गते १०:५७

Nepalese-Embassy-in-London

लन्डन । लन्डनस्थित नेपाली दूतावासले आगामी २० सेप्टेम्बर अपरान्ह नेपालको राष्ट्रिय दिवस मनाउने भएको छ । नेपालमा नयां संविधान जारी गरिएको दिनलाई नेपाल सरकारले राष्ट्रिय दिवस (नेशनल डे) मनाउने निर्णय गरे बमोजिम दूतावासले पनि कार्यक्रम राखेको हो ।

कार्यक्रममा नेपालीसहित विदेशी कुटनीतिज्ञहरु, बेलायती विदेश मन्त्रालय, गृह मन्त्रालय लगायत विशिष्ठ पदाधिकारी सहभागी हुने कार्यवहाक राजदूत शरदराज आरनले जानकारी दिए ।

रिसेप्सन अघि हुने औपचारिक कार्यक्रममा कार्यवहाक राजदूतले नेपालको समसामयिक राजनीतिक घट्नाक्रम र संविधान जारीपछिको परिवर्तनबारे अवगत गराउने कार्यक्रम छ ।

गत वर्ष भदौ ३० गते संविधानसभाबाट दुई तिहाइभन्दा बढी बहुमतले पारित नेपालको संविधान असोज ३ गते मुलुकको पहिलो राष्ट्रपति डा रामवरण 
यादवद्वारा लागू भएको घोषणा गरिएको थियो ।

नयां संविधानपछि नेपालमा धेरै राजनीतिक परिवर्तन भइसकेको छ । नेपालको संविधान जारी भएलगत्तै मुलुकमा नेकपा (एमाले) अध्यक्ष केपी शर्मा ओलीको नेतृत्वमा एकीकृत नेकपा (माओवादी), राष्ट्रिय प्रजातन्त्र पार्टी नेपाल, मधेसी जनाधिकार फोरम (लोकतान्त्रिक) लगायत दलको संयुक्त सरकार बन्यो । व्यवस्थापिका–संसद्को सबैभन्दा ठूलो दल नेपाली कांग्रेस प्रमुख प्रतिपक्षमा बस्यो । अहिले पुष्पकमल दाहाल प्रधानमन्त्री छन् ।

नयां संविधानअनुसार भएको राष्ट्रपतिको निर्वाचनबाट मुलुकले पहिलो महिला राष्ट्रपति र पहिलो महिला सभामुखसमेत पायो । राष्ट्रपतिमा विद्यादेवी 
भण्डारी र सभामुखमा ओनसरी घर्ती निर्वाचित भए । प्रधानन्यायाधीश कल्याण श्रेष्ठ उमेर हदका कारण अवकाश भएपछि मुलुकले पहिलो प्रधानन्यायाधीशका रुपमा सुशीला कार्कीलाई पाएको छ ।

प्रतिक्रिया

सम्बन्धित सामाग्री

फेसबुक