मस्को, १४ भदौ । अमेरिकी राष्ट्रपति बाराक ओबामा र रुसी राष्ट्रपति भ्लादिमिर पुटिनबीच यसै सप्ताहन्तमा चीनमा भेटवार्ता हुनसक्ने सम्भावना रहेको बताइएको छ ।
उहाँहरु जि २० को सम्मेलनमा सहभागिताका लागि चीन आउदै हुनुहुन्छ । यसै सप्ताहन्तमा हुने सो सम्मेलनमा उहाँहरुबीच भेटवार्ता हुनसक्ने रुसी समाचार समिति, इतार तासलाई उद्धृतगर्दै चिनियाँ समाचार समिति, सिन्ह्वाले जनाएको छ ।
अमेरिकी राष्ट्रपति बाराक ओबामाका राष्ट्रिय सुरक्षा सहायक सल्लाहकार बेन रोडेन्सले सोमबार जनाएअनुसार उहाँहरुबीच भेटघाट हुनसक्ने र केही मुद्दामा छलफल पनि हुनसक्ने छ ।
जी–२० को सम्मेलन यही सेप्टेम्बर ४ देखि ५ सम्म चीनमा आयोजना गरिएको छ । यस सङ्गठनमा विश्वका आर्थिक एवम् औद्योगिक देशको सहभागिता छ ।
सो सम्मेलनमा विश्वका प्रमुख अर्थतन्त्रहरुका राज्य वा सरकार प्रमुखहरुको सहभागिता रहने बताइएको छ ।
