बुधबार, कार्तिक १२ २०७७ | Wed, October 28, 2020
नेपालको समय: ०९:०५ | UK Time: 03:20

तोकिएकै समयमा महाधिवेशन गर्न देउवाको निर्देशन

वीनेपाली
२०७३ भदौ ६ गते २१:०५

Sher B Deuwa

काठमाडौँ, ६ भदौ । नेपाली काँग्रेस निकट भ्रातृ सङ्गठन नेपाल तरुण दल र नेपाल महिला सङ्घको महाधिवेशन तोकिएकै समयमा सम्पन्न गर्न सभापति शेरबहादुर देउवाले निर्देशन दिनुभएको छ ।

“तरुण दलको महाधिवेशन तोकिएकै समयमा सम्पन्न गर्न पार्टीका केन्द्रीय सदस्य बालकृष्ण खाँणको संयोजकत्वमा केन्द्रीय सदस्य उमाकान्त चौधरी, सुरेन्द्रराज पाण्डे, सांसद शङ्कर भण्डारी, रामकृष्ण यादव, हृदयराम थानी र सरिता प्रसाइं सदस्य रहनुभएको नेपाल तरुण दल महाधिवेशन केन्द्रीय निर्देशन समिति गठन गरिएको छ”– काँग्रेस पार्टी कार्यालयका मुख्य सचिव कृष्णप्रसाद पौडेलद्वारा आज जारी विज्ञप्तिमा उल्लेख गरिएको छ ।

महाधिवेशन तोकिएकै समयमा सम्पन्न गर्न गराउनका लागि विद्यमान तदर्थ समितिलाई यथाशक्य सहयोग पुरयाइ आवश्यक निर्देशनसमेत गर्न नेपाली काँग्रेसको विधान, २०१७ (संशोधन र परिमार्जित) को धारा २४ (६) बमोजिम अगाडि बढ्न सभापति देउवाले निर्देशन दिनुभएको हो ।

त्यसैगरी सांसद तथा नेता एनपी साउदको संयोजकत्वमा केन्द्रीय सदस्य नवीन्द्रराज जोशी, चन्द्र भण्डारी, कमला पन्त र प्रदीप पौडेल सदस्य रहनुभएको नेपाल महिला सङ्घ महाधिवेशन केन्द्रीय निर्देशन समितिसमेत गठन गरिएको छ ।

प्रतिक्रिया

सम्बन्धित सामाग्री

फेसबुक