यूके तीजमय बनाउंदै देविका

लन्डन । चर्चित लोकगायिका देविका केसी पुनः यूकेमा छिन् यतिखेर । यसपटक उनी तीज कार्यक्रमलाई केन्द्रित गर्दै यूके आएकी हुन् ।
‘यूकेवासी नेपालीलाई तीजको रसस्वादन गर्न फेरि आइपुगेकी छु’, उनले भनिन्, ‘हालसम्म ५ वटा कार्यक्रम तय भइसकेको छ । यूके बसाइमा अरु पनि कार्यक्रम गर्ने योजना छ ।’ उनले हालैमात्र सन्दीप न्यौपानेका साथ यो वर्षको नयां तीज गीत ‘मेरो मुटुमा केन्द्रविन्दू पारी…’बजारमा सार्वजनिक गरेकी छिन् ।

नेपालमा चलेकी गायिका हुन् देविका । उनका चर्चित लोकगायक पशुपति शर्मासंग गाएका हामी नेपाली, पैसो…,नेपाली नै होइन…, बुहारीको पोइ हामीलाई कोइ न कोइ, बाजी ठोक्न आउ झिल्के ज्यादै सुनिने र हेरिने गीत हुन् ।

त्यस्तै सन्दिप न्यौपानेसंग रातो सारी, खुमन अधिकारीसंग फेसबुक चल्ने खाले… आदि पनि चर्चित छन् । यसअघि नेपाली नयां वर्ष कार्यक्रममा यूके आउंदा पनि देविकाले कयौं कार्यक्रम गरि बेलायतवासी नेपालीको मन बटुलेकी थिइन् ।