वासिङटन (संयुक्तराज्य अमेरिका), १३ साउन । बुधबार डेमोक्र्याटिक पार्टीकातर्फ अमेरिकी राष्ट्रपतिको आगामी निर्वाचनको लागि उम्मेदवार बन्नुभएका हिलारी क्लिन्टनलाई अमेरिकाका वर्तमान राष्ट्रपति बाराक ओबामाले पूर्णरुपमा समर्थन गर्नुभएको छ ।

डेमोक्र्याटिक पार्टीको अधिवेशनको क्रममा ओबामाले दिनुभएको एक सम्बोधनमा अमेरिकामा अव हुन गइरहेको अमेरिकी राष्ट्रपति पदका उम्मेदवार हिलारी जति सहि व्यक्ति अरु नभएको दाबी गर्नुभएको छ ।

अमेरिकाको इतिहासमा पहिलो महिला राष्ट्रपतिको उम्मेदवारीका नयाँ इतिहास रच्न सफल हिलारीलाई बधाई दिनुहुँदै विगतमा हिलारीले अमेरिकाको लागि दिनुभएको योगदानको प्रशंसा गर्नुभएको छ ।

डेमोक्र्याटिक पार्टीको यो निर्णयसँगै क्लिन्टनले अब रिपब्लिकन पार्टीका तर्फका राष्ट्रपतिको उम्मेदवार घोषणा भएका डोनाल्ड ट्रम्पसँग प्रतिस्पर्धा गर्नुहुनेछ भएको छ ।