आइतबार, कार्तिक १६ २०७७ | Sun, November 01, 2020
नेपालको समय: ००:१८ | UK Time: 18:33

ग्रिजम्यान युरोकप–२०१६ को उत्कृष्ट खेलाडी घोषणा

वीनेपाली
२०७३ असार २८ गते ११:२६
2387962_w1

ग्रिजम्यान

पेरिस (फ्रान्स), २७ असार । युनियन अफ युरोपियन फुटबल एसोसिएसनले सोमबार फ्रान्सेली अग्रपङ्तिका खेलाडी एन्टोनी ग्रिजम्यानलाई युरोकप–२०१६ को उत्कृष्ट खेलाडी घोषणा गरेको छ ।

आयोजक राष्ट्र फ्रान्स युरोकपको उपाधिका लागि भएको खेलमा पोर्चुगलसँग १–० ले पराजित भए पनि ग्रिजम्यानले प्रतियोगिताको सबैभन्दा बढी गोलकर्ताका रुपमा आफूलाई उभ्याउन सफल हुनुभएको थियो ।

एसोसिएसनका प्रमुख प्राविधिक अधिकृतका अनुसार ग्रिजमयान खेलेको हरेक खेलमा विपक्षीमाझ चुनौती बनेका थिए ।

ग्रिजमयानलाई आफ्नो समूह र प्रतियोगितालाई सफल पार्न कडा मेहनत, दूरदृष्टि र खेल कला प्रदर्शन गर्नसक्ने खेलाडी भएको निष्कर्षका साथ युरोकप–२०१६ को सर्वोत्कृष्ट खेलाडीका रुपमा पुरस्कृत गरिएको उहाँले बताउनुभयो ।

युरोकप ‘ट्रफी’ सहित पोर्चुगाली फुटबल टिम स्वदेश फर्कियो

तस्विरः एपी

तस्विरः एपी

लिसवन (पोर्चुगल), २७ असार । फुटबलका सुप्रसिद्ध खेलाडी क्रिस्टियानो रोनाल्डोसहितका खेलाडी फ्रान्समा भएको युरोकपको अन्तिम खेलमा आयोजक राष्ट्र फ्रान्सलाई १–० गोल अन्तरले पराजित गरी युरोकप–२०१६ उपाधि जितेर स्वदेश फर्किँदा उनीहरुको भव्य स्वागत भएको छ ।

फ्रान्सविरुद्ध गोल गरेपछि नै सहरका चोक–चोकमा पोर्चुगाली फुटबल टोलीको प्रशंसा गर्दै राष्ट्रिय झण्डा फहराउँदै लाखौँ मानिसले खुशीयाली साटिरहेका बेला विशेष विमानमा पोर्चुगलको टोली लिसवन विमानस्थल पुग्दा आफ्नो देशमा ट्रफी भित्र्याएको हेर्न दशौँ हजार फुटबल प्रेमी विमानस्थल पुगेका बताइएको छ ।

प्रमथ उपाधिसहित स्वदेश फर्किएको टोलीलाई पोर्चुगलका राष्ट्रपति मर्सेलो रेबेलो डे सोउसाले बधाई दिनुभएपछि रोनाल्डो नेतृत्वको पोर्चुगाली फुटबल टोली राजधानीका विभिन्न भागमा परिक्रमा गरेको थियो ।

पेरिसको स्टाड ड फ्रान्स रङ्गशालामा भएको अन्तिम खेलमा आफ्नो सुपरस्टार खेलाडी रोनाल्डोकै अनुपस्थितिमा पोर्चुगलले ११० औँ मिनेटमा गोल गरेको थियो ।

खेलको अन्तिम समयमा टिमकै कान्छा खेलाडी सान्चेजको ठाउँमा प्रवेश गरेका एडेर युरोकप जिताउनका लागि निर्णायक बन्न पुगेका थिए ।

पोर्चुगलका कप्तान रोनाल्डोले विभिन्न क्लबहरुबाट खेलेर क्बल तथा आफ्नो नामलाई उचाइमा पुरयाए पनि पोर्चुगलका लागि यो नै महत्वपूर्ण जीत थियो ।

यसअघि सन् २००४ आफ्नै मैदानमा ग्रीससँग १–० ले फाइन खेलमा हारेको पोर्चुगल सन् २००६ को विश्वकपमा सेमिफाइनल र युरोकपको सेमिफाइनलसम्म मात्र पुगेको थियो ।

पोर्चुगलका लागि यो नै पहिलो अन्तर्राष्ट्रिय उपाधि हो ।

प्रतिक्रिया

सम्बन्धित सामाग्री

फेसबुक