शुक्रबार, कार्तिक ७ २०७७ | Fri, October 23, 2020
नेपालको समय: ११:४५ | UK Time: 07:00

जी–२० का वाणिज्य मन्त्रीहरुको बैठक साङ्घाइमा सुरु

वीनेपाली
२०७३ असार २५ गते १३:५६
तस्विरः एपी

तस्विरः एपी

साङ्घाइ, २५ असार । जी–२० का व्यापार तथा बाणिज्य मन्त्रीहरुको बैठक शनिबार चिनियाँ सहर साङ्घाइमा सुरु भएको छ ।

यस बैठकमा ती देशहरुका बीचमा व्यापार तथा लगानीका क्षेत्रहरुमा गरिने पहल र व्यापार तथा लगानीमा प्रवर्धन र समन्वय गर्ने विषयमा छलफल हुने बताइएको छ ।

चिनियाँ वाणिज्य मन्त्री गाओ हुचेनले अध्यक्षता गर्नुभएको सो बैठकमा उहाँले अध्यक्षको मन्तव्य दिँदै जी–२० का सदस्य राष्ट्रहरुबीचको पछिल्लो व्यापार प्रवर्धनका बारेमा जोड दिनुभएको थियो ।

उहाँले विश्व अर्थतन्त्रका लागि जी–२० एक सशक्त र बलियो इन्जिन हो भन्दै विश्वको कुल ग्राहस्थ्य उत्पादनमा यस संगठनमा आवद्ध राष्ट्रले ८५ प्रतिशत र विश्व व्यापारमा ८० प्रतिशत हिस्सा ओगटेको बताउनुभयो ।

उहाँले अबका दिनमा जी–२०ले विश्व व्यापारको विस्तार, बहुआयामिक व्यापारका साथै लगानीका क्षेत्रहरुलाई प्रवर्धनगर्दै लानुपर्नेमा पनि जोड दिनुभयो ।

यस संगठनमा आवद्ध विश्वका २० देशका करिब ५०० जना सरकारी अधिकारी, विभिन्न बहुराष्ट्रिय कम्पनीका साथै अन्तर्राष्ट्रिय व्यापार र व्यवसायमा आबद्ध कम्पनीहरुको पनि सहभागिता छ ।

प्रतिक्रिया

सम्बन्धित सामाग्री

फेसबुक